Ajj Nama December-25-2020 | Latest Punjabi Poetry 2021
Connect with us [email protected]

ਅੱਜ-ਨਾਮਾ

ਅੱਜ-ਨਾਮਾ-ਦਸੰਬਰ 25, 2020

Published

on

ajjnama

ਭੇਜਿਆ ਪੱਤਰ ਸਰਕਾਰ ਨੇ ਫੇਰ ਕਹਿੰਦੇ,
ਗੱਲ ਲਿਖੀ ਗਈ ਫੇਰ ਕੁਝ ਗੋਲ ਮਿੱਤਰ।
ਵਿੱਚੋਂ ਨਿਕਲਦਾ ਚਿੱਠੀ ਦੇ ਕੱਖ ਵੀ ਨਹੀਂ,
ਬੇਸ਼ੱਕ ਲਿਸ਼ਕਵਾਂ ਬਾਹਰਲਾ ਖੋਲ ਮਿੱਤਰ।
ਬੈਠਕ ਓਦਾਂ ਦੀ ਕੀਤਿਆਂ ਨਿਕਲਣਾ ਕੀ,
ਜਿਸ ਦੇ ਸੱਦੇ ਦਾ ਪੂਰਾ ਨਾ ਤੋਲ ਮਿੱਤਰ।
ਘੱਲਣਾ ਸੀ ਗਾ ਫਿਰ ਘੱਲਦੇ ਉਹ ਪੱਤਰ,
ਜੀਹਦਾ ਹਰ ਅੱਖਰ ਸਕਦਾ ਬੋਲ ਮਿੱਤਰ।
ਉਲਝਣ ਪਹਿਲਾਂ ਵੀ ਨਹੀਂ ਸੀ ਘੱਟ ਭਾਵੇਂ,
ਆਇਆ ਪੱਤਰ ਤੇ ਵਧੀ ਆ ਹੋਰ ਮਿੱਤਰ।
ਕਰਦੀ ਹੋਰ ਕੁਝ ਪਈ ਸਰਕਾਰ ਦਿੱਸਦੀ,
ਪਾਉਂਦੀ ਬਾਹਰ ਤੋਂ ਹੋਰ ਹੈ ਸ਼ੋਰ ਮਿੱਤਰ।
-ਤੀਸ ਮਾਰ ਖਾਂ

Click Here To Read More Latest Punjabi Poetry 2021

Continue Reading
Click to comment

Leave a Reply

Your email address will not be published. Required fields are marked *

ਅੱਜ-ਨਾਮਾ

ਅੱਜ-ਨਾਮਾ-30 ਜੁਲਾਈ 2021

Published

on

ajjnama

ਠੇਡੇ ਖਾਂਦਿਆਂ ਤੋਂ, ਮਿਹਣੇ ਵੱਜਦਿਆਂ ਤੋਂ,
ਵਧਦੀ ਹਾਕੀ ਦੀ ਗਈ ਆ ਟੀਮ ਮਿੱਤਰ।
ਆਖਰੀ ਅੱਠਾਂ ਦੇ ਅੰਦਰ ਇਹ ਜਾ ਪਹੁੰਚੀ,
ਅਗਲੀ ਲਾਉਣੀ ਵੀ ਪਊ ਸਕੀਮ ਮਿੱਤਰ।
ਚੰਗਾ ਖੇਡ ਗਈ ਸਿੰਧੂ ਵੀ ਚਿੜੀ-ਛਿੱਕਾ,
ਖੇਡ ਰਹੀ ਕੁੜੀ ਹੈ ਖੇਡ ਅਜ਼ੀਮ ਮਿੱਤਰ।
ਬਾਕਸਿੰਗ ਵਿੱਚ ਨੇ ਮੁੰਡਾ ਤੇ ਕੁੜੀ ਚਮਕੇ,
ਵਧ ਰਹੀ ਟੀਮ ਦੀ ਦਿੱਸੇ ਕਰੀਮ ਮਿੱਤਰ।
ਲਾਇਆ ਜ਼ੋਰ ਪਿਆ ਸਾਰਾ ਖਿਡਾਰੀਆਂ ਨੇ,
ਮਿਹਨਤ ਕਰੀ ਦਾ ਦਿੱਸਦਾ ਅਸਰ ਮਿੱਤਰ।
ਬਹਿ ਕੇ ਬੰਨੇ `ਤੇ ਅਸਾਂ ਵੀ ਜ਼ੋਰ ਲਾਇਆ,
ਨੁਕਸ ਕੱਢਣ ਦੀ ਛੱਡੀ ਨਾ ਕਸਰ ਮਿੱਤਰ।

  • ਤੀਸ ਮਾਰ ਖਾਂ

Continue Reading

ਅੱਜ-ਨਾਮਾ

ਅੱਜ-ਨਾਮਾ-29 ਜੁਲਾਈ 2021

Published

on

Ajjnama

ਓਥੇ ਫਾਇਦਾ ਨਾ ਪੁੱਛਣ ਦਾ ਕੋਈ ਹੁੰਦਾ,
ਸੁਣਦਾ ਜਿੱਥੇ ਨਹੀਂ ਕੋਈ ਸਵਾਲ ਮੀਆਂ।
ਪੁੱਛਣ ਵਾਲਿਆਂ ਦੇ ਪੁੱਛ ਕੇ ਗਲੇ ਬਹਿੰਦੇ,
ਅਗਲਾ ਕਰਦਾ ਨਾ ਕੋਈ ਖਿਆਲ ਮੀਆਂ।
ਜੜ੍ਹ ਮੁੱਦੇ ਦੀ ਕਿੰਨੀ ਹੈ ਅਹਿਮ ਲੱਗਦੀ,
ਮਤਲਬ ਕੋਈ ਨਾ ਏਸ ਦੇ ਨਾਲ ਮੀਆਂ।
ਕਰ ਕੇ ਪਰੇ ਵੱਲਮੂੰਹ ਹੀ ਬਹਿ ਰਹਿਣਾ,
ਦੇਣਾ ਆਖਰ ਵਿੱਚ ਹੱਸ ਕੇ ਟਾਲ ਮੀਆਂ।
ਜਿੱਥੇ ਇਸ ਤਰ੍ਹਾਂ ਕੰਮ ਜਿਹਾ ਚੱਲ ਸਕਦੈ,
ਰਹਿੰਦੀ ਬੋਲਣ ਦੀ ਕੋਈ ਨਾ ਲੋੜ ਮੀਆਂ।
ਬੋਲਣ ਵਾਲਿਆਂ ਨੂੰ ਬੋਲੀ ਜਾਣ ਦਿਓ ਜੀ,
ਵੱਟ ਲਈ ਚੁੱਪ ਦਾ ਹੋਵੇ ਨਾ ਤੋੜ ਮੀਆਂ।

  • ਤੀਸ ਮਾਰ ਖਾਂ

Continue Reading

ਅੱਜ-ਨਾਮਾ

ਅੱਜ-ਨਾਮਾ-28 ਜੁਲਾਈ 2021

Published

on

punjabi poetry

ਪਾਰਲੀਮੈਂਟ ਦੇ ਅੰਦਰ ਹੈ ਪਿਆ ਰੱਫੜ,
ਹੁੰਦਾ ਕੋਈ ਵੀ ਕੰਮ ਨਹੀਂ ਕਾਰ ਮੀਆਂ।
ਧਿਰ ਵਿਰੋਧ ਦੀ ਪਈ ਆ ਖਿਝੀ ਕਾਫੀ,
ਨਾਅਰੇ ਰੋਜ਼ ਉਹਰਹੀ ਹੈ ਮਾਰ ਮੀਆਂ।
ਹਾਕਮ ਧਿਰ ਨਹੀਂ ਕੱਖ ਪ੍ਰਵਾਹ ਕਰਦੀ,
ਥਿੰਦੇ ਘੜੇ ਦੇ ਵਾਂਗਰ ਸਰਕਾਰ ਮੀਆਂ।
ਜਿਹੜੀ ਜਿੱਲ੍ਹਣ ਦਾ ਅੱਜ ਮਾਹੌਲ ਓਥੇ,
ਲੱਭਦਾ ਕੋਈ ਨਾ ਚੱਜ-ਆਚਾਰ ਮੀਆਂ।
ਮੁਖੀਦੇਸ਼ ਦਾ ਬੋਲੇ ਨਹੀਂ ਸਦਨ ਅੰਦਰ,
ਕਰਦਾ ਰੇਡੀਓ ਤੋਂ ਮਨ ਦੀ ਗੱਲ ਮੀਆਂ।
ਮੁੱਦੇ ਅਸਲ ਤੋਂ ਪਾਸੇ ਦੀ ਨਿਕਲ ਜਾਂਦਾ,
ਸੁਰ ਨਹੀਂ ਤਾਲ, ਵਜਾਂਵਦਾ ਟੱਲ ਮੀਆਂ।

  • ਤੀਸ ਮਾਰ ਖਾਂ

Continue Reading

ਰੁਝਾਨ


Copyright by IK Soch News powered by InstantWebsites.ca