Ajj Nama 08- March-2021 | Latest Punjabi Poetry 2021 | Ik Soch Punjabi
Connect with us [email protected]

ਅੱਜ-ਨਾਮਾ

ਅੱਜ-ਨਾਮਾ- 08 ਮਾਰਚ 2021

Published

on

ajj nama

ਆਇਆ ਦਿਨ ਫਿਰ ਹੈ ਅੱਜ ਔਰਤਾਂ ਦਾ,
ਭਰਵੇਂ ਜੋਸ਼ ਨਾਲ ਇਹ ਮਨਾਇਆ ਜਾਊ।
ਔਰਤ ਜਾਤ ਦਾ ਕਰਨ ਲਈ ਭਲਾ ਮੁੜ ਕੇ,
ਸਾਰੇ ਜੋਸ਼ ਨਾਲ ਵਚਨ ਦੁਹਰਾਇਆ ਜਾਊ।
ਸਮਾਜੀ ਪੱਧਰ ਨੂੰ ਚੁੱਕਣ ਲਈ ਗੱਲ ਹੋਊ,
ਕੀਤੇ ਕਾਰਜ ਦਾ ਲੇਖਾ ਗਿਣਾਇਆ ਜਾਊ।
ਕਰ-ਕਰ ਭਾਸ਼ਣ ਅਕਾਉਣ ਦੀ ਹੱਦ ਵਾਲੇ,
ਅਹਿਸਾਨ ਉਨ੍ਹਾਂ ਦੇ ਲਈ ਜਤਾਇਆ ਜਾਊ।
ਲੰਘ ਗਈ ਮਾਰਚ ਦੀ ਅੱਠ ਤਾਰੀਖ ਮਗਰੋਂ,
ਅਗਲੇ ਸਾਲ ਤੱਕ ਬੋਲਣ ਦੀ ਲੋੜ ਹੈ ਨਹੀਂ।
ਅਮਲਾਂ ਵਿੱਚ ਨਹੀਂ ਹੁੰਦਾ ਈ ਕੰਮ ਬਾਹਲਾ,
ਗੱਲਾਂ-ਬਾਤਾਂ ਵਿੱਚ ਕਿਤੇ ਵੀ ਥੋੜ੍ਹ ਹੈ ਨਹੀਂ।


-ਤੀਸ ਮਾਰ ਖਾਂ

Click Here To Read Latest Punjabi Poetry

Continue Reading
Click to comment

Leave a Reply

Your email address will not be published. Required fields are marked *

ਅੱਜ-ਨਾਮਾ

ਅੱਜ-ਨਾਮਾ-21 ਅਪ੍ਰੈਲ 2021

Published

on

ajjnama

ਫਿਰ ਤੋਂ ਚਰਚਾ ਬਰਗਾੜੀ ਦੀ ਤੇਜ਼ ਹੋਈ,
ਚਰਚਾ ਸਿਰਸੇ ਦੀ ਫੇਰ ਪਈ ਚੱਲ ਮੀਆਂ।
ਡੇਰੇ ਸਿਰਸੇ ਦੇ ਤੀਕਰ ਵੀ ਫੁੱਟ ਪੈ ਗਈ,
ਨਵੀਂਓਂ ਨਵੀਂ ਆ ਨਿਕਲਦੀ ਗੱਲ ਮੀਆਂ।
ਲੱਗਿਆ ਮਦਦ ਦਾ ਦੋਸ਼ ਫਿਰ ਭਾਜਪਾ`ਤੇ,
ਲਹਿੰਦੀ ਜਾਪ ਰਹੀ ਵਾਲ਼ ਦੀ ਖੱਲ ਮੀਆਂ।
ਚਰਚਾ ਚੱਲ ਪਈ ਪੁਲਸ ਦੇ ਰੋਲ ਦੀ ਵੀ,
ਕਰਦੀ ਕੇਸ ਨਾ ਜਿਹੜੀ ਹੈ ਹੱਲ ਮੀਆਂ।
ਬਾਬਾ ਬੈਠਾ ਹੈ ਰੋਹਤਕ ਦੀ ਜੇਲ੍ਹ ਅੰਦਰ,
ਡੇਰਾ ਮਾਲਕੀ ਤੋਂ ਖਹਿਬੜ ਛਿੜੀ ਮੀਆਂ।
ਚੌਦਾਂ ਸਾਲਾਂ ਤੋਂ ਸੁਣੀਦੀਆਂ ਇਹੀ ਬਾਤਾਂ,
ਚੱਕਰ ਇੱਕੋ ਥਾਂ ਜਾਂਦਾ ਹੈ ਗਿੜੀ ਮੀਆਂ।

  • ਤੀਸ ਮਾਰ ਖਾਂ

Click Here To Read More Latest Punjabi Poetry

Continue Reading

ਅੱਜ-ਨਾਮਾ

ਅੱਜ-ਨਾਮਾ-20 ਅਪ੍ਰੈਲ 2021

Published

on

Punjabi poetry

ਮਮਤਾ ਬੈਨਰਜੀ ਮਾਰਦੀ ਬੜ੍ਹਕ ਬੇਸ਼ੱਕ,
ਪਹਿਲਾਂ ਜਿਹੀ ਨਾ ਰਹੀ ਮਜ਼ਬੂਤ ਭਾਈ।
ਸਾਰੀ ਤਾਕਤ ਹੈ ਝੋਕਤੀ ਭਾਜਪਾਈਆਂ,

ਆਗੂ, ਵਰਕਰ ਤੇ ਸਾਧ ਅਵਧੂਤ ਭਾਈ।

ਦੂਸ਼ਣਬਾਜ਼ੀ ਪਈ ਚੱਲਦੀ ਖੂਬ ਸੁਣਦੀ,

ਬਾਹਲੀ ਹੁੰਦੀ ਆ ਬਿਨਾਂ ਸਬੂਤ ਭਾਈ।

ਰੌਲੇ-ਗੌਲੇ ਦੇ ਵਿੱਚ ਨਹੀਂ ਪਤਾ ਕੀਹਦਾ,

ਆਉਣਾ ਆਖਰ ਨੂੰ ਕੰਮ ਹੈ ਸੂਤ ਭਾਈ।

ਸਾਰੇ ਪੱਛਮ ਬੰਗਾਲਤੇ ਝਾਤ ਪਾਈਏ,
ਧਿਰ ਤੀਜੀ ਵੀ ਕਈ ਥਾਂ ਰੜਕਦੀ ਆ।
ਮੱਠੀ ਚਾਲ ਆ, ਨਾਲੇ ਰਫਤਾਰ ਧੀਮੀ,
ਅੱਗੇ ਜਿਹੀ ਨਾ ਐਤਕੀਂ ਖੜਕਦੀ ਆ।

  • ਤੀਸ ਮਾਰ ਖਾਂ

Read More Latest Punjabi Poetry

Continue Reading

ਅੱਜ-ਨਾਮਾ

ਅੱਜ-ਨਾਮਾ-19 ਅਪ੍ਰੈਲ 2021

Published

on

ajjnama

ਗੰਗਾ ਮਈਆ ਦੀ ਗੋਦ ਸੀ ਗਏ ਜਿਹੜੇ,
ਮੁੜ ਪਏ ਸੰਤ ਉਹ ਕੁੰਭ ਨੂੰ ਛੋੜ ਭਾਈ।
ਹੋਣਾ ਰਹਿੰਦਾ ਸੀ ਇੱਕ ਇਸ਼ਨਾਨ ਬਾਕੀ,
ਪੁਰਾਣੀ ਪ੍ਰੰਪਰਾ ਦਿੱਤੀ ਗਈ ਤੋੜ ਭਾਈ।
ਪਾਉਣਾ ਕੀਤਾ ਕੋਰੋਨਾ ਜਿਉਂ ਸ਼ੁਰੂ ਘੇਰਾ,
ਲਿਆ ਸੀ ਕਾਫਲਾ ਪਿੱਛੇ ਨੂੰ ਮੋੜ ਭਾਈ।
ਆ ਜਾਊ ਕੁੰਭ ਫਿਰ ਛੇ ਕੁ ਸਾਲ ਪਿੱਛੋਂ,
ਜਿੰਦਾ ਬਚਣ ਦੀ ਪਹਿਲੜੀ ਲੋੜ ਭਾਈ।
ਹੋਏ ਬਿਮਾਰ ਸ਼ਰਧਾਲੂ ਸੀ ਕਈ ਕਹਿੰਦੇ,
ਛੱਡ ਗਏ ਚੋਲਾ ਹਨ ਚਾਰ ਮਹੰਤ ਭਾਈ।
ਜੰਗਾਂ-ਯੁੱਧਾਂ ਤੋਂ ਮਾੜੀ ਆ ਮਰਜ਼ ਉੱਠੀ,
ਲੱਗਦੀ ਇਹਦੀ ਆ ਮਾਰ ਅਨੰਤ ਭਾਈ।

  • ਤੀਸ ਮਾਰ ਖਾਂ

Click Here Read More latest punjabi news paper

Continue Reading

ਰੁਝਾਨ


Copyright by IK Soch News powered by InstantWebsites.ca