ਸਿਉਲ, 8 ਅਪ੍ਰੈਲ – ਉਤਰ ਕੋਰੀਆ ਦੇ ਨੇਤਾ ਕਿਮ ਜੋਂਗ ਓਨ ਨੇ ਪਉਂਗਆਂਗ ਵਿੱਚ ਹੋਏ ਇੱਕ ਵੱਡੇ ਰਾਜਨੀਤਿਕ ਸੰਮੇਲਨ ਵਿੱਚ ਆਪਣੀ ਸਤਾਧਾਰੀ ਪਾਰਟੀ ਦੇ ਹਜ਼ਾਰਾਂ ਫੀਲਡ ਵਰਕਰਾਂ ਨੂੰ ਸੰਬੋਧਨ ਕਰਦੇ ਹੋਏ ਮੰਨਿਆ ਕਿ ਉਨ੍ਹਾਂ ਦਾ ਦੇਸ਼ ‘ਬਹੁਤ ਖ਼ਰਾਬ ਦੌਰ’ ਵਿੱਚੋਂ ਲੰਘ ਰਿਹਾ ਹੈ।
ਸਮਾਜਿਕ ਮਾਹਰਾਂ ਦਾ ਕਹਿਣਾ ਹੈ ਕਿ ਉਤਰੀ ਕੋਰੀਆ ਵਿੱਚ ਕਿਮ ਦੇ ਸ਼ਾਸਨ ਦਾ ਇੱਕ ਦਹਾਕਾ ਪੂਰਾ ਹੋਣ ਜਾ ਰਿਹਾ ਹੈ ਅਤੇ ਪਹਿਲਾਂ ਤੋਂ ਅਸਥਿਰ ਉਸ ਦੀ ਅਰਥ ਵਿਵਸਥਾ ਕੋਰੋਨਾ ਵਾਇਰਸ ਨੂੰ ਫੈਲਣ ਤੋਂ ਰੋਕਣ ਲਈ ਲਾਕਡਾਊਨ ਅਤੇ ਅਮਰੀਕਾ ਦੀਆਂ ਪਾਬੰਦੀਆਂ ਦੇ ਕਾਰਨ ਹੋਰ ਚਰਮਰਾ ਗਈ ਹੈ। ਉਤਰੀ ਕੋਰੀਆ ਦੀ ਆਧਿਕਾਰਤ ਕੋਰੀਅਨ ਸੈਂਟ੍ਰਲ ਨਿਊਜ਼ ਏਜੈਂਸੀ ਨੇ ਕਿਹਾ ਕਿ ਕਿਮ ਨੇ ਵਰਕਰਸ ਪਾਰਟੀ ਦੇ ਯੂਨਿਟ ਸੈਕਟਰੀਆਂ ਦੀ ਬੈਠਕ ਵਿੱਚ ਇਹ ਟਿੱਪਣੀਆਂ ਕੀਤੀਆਂ। ਕਿਮ ਨੇ ਕਿਹਾ, ‘ਅੱਜ ਤੱਕ ਦੀ ਸਭ ਤੋਂ ਖ਼ਰਾਬ ਸਥਿਤੀ ਵਿੱਚ ਲੋਕਾਂ ਦੀਆਂ ਨੂੰ ਚੰਗੀਆਂ ਸ਼ਾਖਾਵਾਂ ਬਣਾਉਣਾ, ਪਾਰਟੀ ਦੇ ਜ਼ਮੀਨੀ ਸੰਗਠਨਾਂ ਦੀ ਭੂਮਿਕਾ ਉੱਤੇ ਨਿਰਭਰ ਕਰਦਾ ਹੈ। ਇਸ ਹਾਲ ਵਿੱਚ ਅਸੀਂ ਕਈ ਅਸਾਧਾਰਨ ਕਿਸਮ ਦੀਆਂ ਚੁਨੌਤੀਆਂ ਤੋਂ ਉਭਰਨਾ ਹੈ।’ ਉਨ੍ਹਾਂ ਨੇ ਪਾਰਟੀ ਮੈਂਬਰਾਂ ਨੂੰਂ ਜਨਵਰੀ ਦੀ ਕਾਂਗਰਸ ਵਿੱਚ ਲਏ ਫੈਸਲਿਆਂ ਨੂੰ ਲਾਗੂ ਕਰਨ ਦੀ ਅਪੀਲ ਕੀਤੀ, ਉਦੋਂ ਉਨ੍ਹਾਂ ਨੇ ਅਮਰੀਕੀ ਦਬਾਅ ਦੇ ਬਾਵਜੂਦ ਪਰਮਾਣੂ ਸ਼ਕਤੀ ਵਧਾਉਣ ਦਾ ਐਲਾਨ ਕੀਤਾ ਸੀ ਅਤੇ ਨਵੀਂ ਪੰਜ ਸਾਲਾ ਰਾਸ਼ਟਰੀ ਵਿਕਾਸ ਯੋਜਨਾ ਦਾ ਐਲਾਨ ਕੀਤਾ ਸੀ।

Read More World News In Punjabi