ਚੰਡੀਗੜ੍ਹ, 6 ਫਰਵਰੀ, – ਪੰਜਾਬ ਵਿੱਚ ਲੋਕਲ ਚੋਣਾਂ ਲਈ ਨਾਮਜ਼ਦਗੀ ਕਾਗਜ਼ ਵਾਪਸ ਲੈਣ ਦੀ ਮਿਥੀ ਹੋਈ ਤਾਰੀਕ ਸ਼ਨਿਚਰਵਾਰ ਨੂੰ ਨਿਕਲ ਜਾਣ ਪਿੱਛੋਂ 9022 ਉਮੀਦਵਾਰ ਚੋਣ ਮੈਦਾਨ ਵਿੱਚ ਰਹਿ ਗਏ ਹਨ। ਇਸ ਰਾਜ ਵਿੱਚ 8 ਮਿਉਂਸਪਲ ਕਾਰਪੋਰੇਸ਼ਨਾਂ ਅਤੇ 109 ਨਗਰ ਕੌਂਸਲਾਂ ਅਤੇ ਪੰਚਾਇਤਾਂ ਲਈ ਚੋਣਾਂ ਹੋਣੀਆਂ ਹਨ।
ਚੋਣ ਕਮਿਸ਼ਨ ਤੋਂ ਮਿਲੀ ਸੂਚਨਾ ਅਨੁਸਾਰ ਕਾਂਗਰਸ ਨੇ 2037 ਉਮੀਦਵਾਰ ਖੜੇ ਕੀਤੇ ਹਨ, ਜਿਹੜੇ ਹਰ ਹੋਰ ਸਿਆਸੀ ਪਾਰਟੀ ਤੋਂ ਵੱਧ ਹਨ। ਦੂਸਰੇ ਨੰਬਰ ਉੱਤੇ ਆਮ ਆਦਮੀ ਪਾਰਟੀ ਦੇ 1606 ਉਮੀਦਵਾਰ ਹਨ। ਅਕਾਲੀ ਦਲ ਨੇ 1569 ਅਤੇ ਭਾਜਪਾ ਨੇ 1003 ਉਮੀਦਵਾਰ ਖੜੇ ਕੀਤੇ ਹਨ।ਸੀਪੀ ਆਈ ਦੇ ਦੋ, ਅਕਾਲੀ ਦਲ ਅੰਮ੍ਰਿਤਸਰ ਦੇ ਦੋ, ਐੱਨਸੀਪੀ ਦੇ ਚਾਰ ਅਤੇ ਕੁੱਲ 2832 ਆਜ਼ਾਦ ਉਮੀਦਵਾਰ ਹਨ। ਚੋਣਾਂ ਲਈ ਵੋਟਾਂ 14 ਫਰਵਰੀ ਨੂੰ ਪੈਣਗੀਆਂ।
ਪਤਾ ਲੱਗਾ ਹੈ ਕਿ ਨਾਮਜ਼ਦਗੀ ਕਾਗਜ਼ ਭਰਨ ਵੇਲੇ ਕੁਝ ਥਾਂਈਂ ਹਿੰਸਾ ਦੇ ਮਾਮਲੇ ਵਿੱਚ ਚੋਣਕਮਿਸ਼ਨ ਨੇ ਪੰਜਾਬ ਦੀ ਚੀਫ ਸੈਕਟਰੀ ਨੂੰ ਦੱਸਦਿੱਤਾ ਹੈ, ਪਰਰਾਜ ਸਰਕਾਰ ਨੇ ਹਾਲੇ ਤੱਕ ਕੋਈ ਹੁੰਗਾਰਾ ਨਹੀਂ ਦਿੱਤਾ। ਜਲਾਲਾਬਾਦ ਵਿੱਚ ਅਕਾਲੀ ਦਲ ਦੇ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਦੇ ਕਾਫ਼ਲੇ ਉੱਤੇ ਹਮਲੇ ਤੋਂ ਬਾਅਦ ਇਸ ਪਾਰਟੀ ਨੇ ਚੋਣ ਕਮਿਸ਼ਨ ਉੱਤੇਸਵਾਲ ਖੜੇ ਕੀਤੇ ਸਨ ਤੇ ਪਾਰਟੀ ਦੇ ਬੁਲਾਰੇ ਡਾ. ਦਲਜੀਤ ਸਿੰਘ ਚੀਮਾ ਨੇ ਕਿਹਾ ਸੀ ਕਿ ਕਮਿਸ਼ਨ ਜੇ ਸੱਤਾਧਾਰੀ ਲੋਕਾਂ ਉੱਤੇ ਕਾਰਵਾਈ ਕਰਨਤੋਂ ਬੇਵੱਸ ਹੈ ਤਾਂ ਇਸ ਕਮਿਸ਼ਨ ਨੂੰ ਭੰਗ ਕਰ ਦੇਣਾ ਚਾਹੀਦਾ ਹੈ।