ਰੈਗਿੰਗ ਦੀਆਂ ਦੋਸ਼ੀ 4 ਵਿਦਿਆਰਥਣਾਂ ਨੂੰ ਜੇਲ੍ਹ

Published

2 weeks ago

February 7, 2021

AP News Report

ਰੈਗਿਗ ਤੋਂ ਪ੍ਰੇਸ਼ਾਨ ਅਨੀਤਾ ਸ਼ਰਮਾ ਨੇ ਕੀਤੀ ਸੀ ਆਤਮਹੱਤਿਆ
ਭੋਪਾਲ, 7 ਫਰਵਰੀ – ਰੈਗਿੰਗ ਤੋਂ ਦੁਖੀ ਵਿਦਿਆਰਣ ਵੱਲੋਂ ਖੁਦਕੁਸ਼ੀ ਕਰਨ ਦੇ ਮਾਮਲੇ ਵਿੱਚ ਜ਼ਿਲ੍ਹਾ ਅਦਾਲਤ ਨੇ ਦੋਸ਼ੀ ਚਾਰ ਵਿਦਿਆਰਥਣਾਂ ਨੂੰ ਪੰਜ-ਪੰਜ ਸਾਲ ਸਜ਼ਾ ਸੁਣਾਈ ਅਤੇ ਦੋ-ਦੋ ਹਜ਼ਾਰ ਜੁਰਮਾਨਾ ਲਗਾਇਆ ਹੈ। ਭੋਪਾਲ ਵਿੱਚ ਰੈਗਿੰਗ ਦੇ ਮਾਮਲੇ ਵਿੱਚ ਪਹਿਲੀ ਵਾਰ ਵਿਦਿਆਰਥਣਾਂ ਨੂੰ ਸਜ਼ਾ ਹੋਈ ਹੈ।
ਰਾਜਸਥਾਨ ਦੇ ਰਹਿਣ ਵਾਲੇ ਕਮਲੇਸ਼ ਸ਼ਰਮਾ ਭੋਪਾਲ ਦੇ ਕਮਲਾ ਨਗਰ ਸਥਿਤ ਜੀਵਨ ਵਿਹਾਰ ਕੰਪਲੈਕਸ ਵਿੱਚ ਰਹਿੰਦੇ ਸਨ। ਛੇ ਅਗਸਤ 2013 ਦੀ ਸ਼ਾਮ ਨੂੰ ਕਾਲਜ ਤੋਂ ਆਉਣ ਪਿੱਛੋਂਉਨ੍ਹਾਂ ਦੀ ਬੇਟੀ ਨੇ ਘਰ ਵਿੱਚ ਫਾਂਸੀ ਲਾ ਲਈ ਅਤੇ ਸੁਸਾਈਡ ਨੋਟ ਵਿੱਚ ਲਿਖਿਆ ਸੀ ਕਿ ਸੀਨੀਅਰ ਵਿਦਿਆਰਥਣਾਂ ਕੁਝ ਲੜਕਿਆਂ ਨਾਲ ਦੋਸਤੀ ਕਰਨ ਲਈ ਦਬਾਅ ਬਣਾਉਂਦੀਆਂ ਅਤੇ ਕਾਲਜ ਦੀ ਬੱਸ ਵਿੱਚ ਲੜਕੇ ਅਸ਼ਲੀਲ ਕੁਮੈਂਟਸ ਕਰਦੇ ਹਨ। ਘਟਨਾ ਵਾਲੇ ਦਿਨ ਉਹ ਘਰ ਪਹੁੰਚ ਕੇ ਰੋਣ ਲੱਗ ਪਈ ਸੀ। ਭਰਾ ਹੇਮੰਤ ਨੇ ਕਾਰਨ ਪੁੱਛਿਆ ਤਾਂ ਉਸ ਨੇ ਦੱਸਿਆ ਕਿ ਅੱਜ ਉਸ ਨੇ ਮੈਨੂੰ ਲੈਬ ਵਿੱਚ ਫੜ ਲਿਆ ਸੀ, ਕਿਸੇ ਤਰ੍ਹਾਂ ਬਚ ਕੇ ਘਰ ਆਈ ਹਾਂ। ਇਸ ਦੇ ਬਾਅਦ ਉਸ ਨੇ ਆਤਮਹੱਤਿਆ ਕਰ ਲਈ। ਇਸ ਕੇਸ ਵਿੱਚ ਸ਼ਾਸਨ ਵੱਲੋ ਪੈਰਵੀ ਕਰ ਰਹੇ ਐਡਵੋਕੇਟ ਖਾਲਿਦ ਕੁਰੈਸ਼ੀ ਨੇ ਦੱਸਿਆ ਕਿ ਛੇ ਅਗਸਤ 2013 ਨੂੰ ਅਨੀਤਾ ਸ਼ਰਮਾ ਨੇ ਫਾਂਸੀ ਲਾ ਲਈ ਸੀ। ਉਹ ਰਾਮ ਕ੍ਰਿਸ਼ਨ ਧਰਮਾਰਥ ਫਾਊਂਡੇਸ਼ਨ (ਆਰ ਕੇ ਡੀ ਐਫ) ਕਾਲਜ ਵਿੱਚ ਬੀ ਫਾਰਮਾ ਪਹਿਲੇ ਸਾਲ ਦੀ ਵਿਦਿਆਰਥਣ ਸੀ। ਪੁਲਸ ਨੇ ਮੌਕੇ ਤੋਂ ਸੁਸਾਈਡ ਨੋਟ ਬਰਾਮਦ ਕੀਤਾ ਸੀ। ਵਿਦਿਆਰਥਣ ਦੇ ਘਰਦਿਆਂ ਦੇ ਬਿਆਨ ਤੇ ਸੁਸਾਈਡ ਨੋਟ ਦੇ ਆਧਾਰ ‘ਤੇ ਪੁਲਸ ਨੇ ਕਾਲਜ ਦੀਆਂ ਚਾਰ ਵਿਦਿਆਰਥਣਾਂ ਤੇ ਇੱਕ ਟੀਚਰ ਦੇ ਖਿਲਾਫ ਆਤਮਹੱਤਿਆ ਲਈ ਉਕਸਾਉਣ ਦਾ ਕੇਸ ਦਰਜ ਕੀਤਾ ਸੀ।ਫੈਸਲੇ ਦੀ ਜਾਣਕਾਰੀ ਮਿਲਣ ਦੇ ਬਾਅਦ ਮਾਤਾ-ਪਿਤਾ ਭਾਵੁਕ ਹੋ ਗਏ। ਮਾਂ ਨਿਰਮਲਾ ਸ਼ਰਮਾ ਨੇ ਕਿਹਾ ਕਿ ਇਨਸਾਫ ਨਾਲ ਤਸੱਲੀ ਮਿਲੀ, ਪਰ ਅਨੂੰ (ਅਨੀਤਾ) ਨੂੰ ਗੁਆਉਣ ਦਾ ਗ਼ਮ ਫਿਰ ਹਰਾ ਹੋ ਗਿਆ। ਪਿਤਾ ਨੇ ਕਿਹਾ ਕਿ ਬੇਟੀ ਨੇ ਪ੍ਰੇਸ਼ਾਨ ਕਰਨ ਦੀ ਸ਼ਿਕਾਇਤ ਪ੍ਰੋਫੈਸਰ ਨੂੰ ਕੀਤੀ ਸੀ। ਜੇ ਉਹ ਇਸ ਸ਼ਿਕਾਇਤ ਨੂੰ ਗੰਭੀਰਤਾ ਨਾਲ ਲੈਂਦੇ ਤਾਂ ਸ਼ਾਇਦ ਉਨ੍ਹਾਂ ਦੀ ਬੇਟੀ ਅਜਿਹਾ ਕਦਮ ਨਾ ਚੁੱਕਦੀ।ਅਦਾਲਤ ਨੇ ਸਜ਼ਾ ਸੁਣਾਉਣ ਦੇ ਦੌਰਾਨ ਸਖਤ ਟਿੱਪਣੀ ਕੀਤੀ। ਅਦਾਲਤ ਨੇ ਕਿਹਾ ਕਿ ਰੈਗਿੰਗ ਦੇ ਕਾਰਨ ਵਿਦਿਆਰਥੀਆਂ ਅਤੇ ਉਨ੍ਹਾਂ ਦੇ ਮਾਤਾ-ਪਿਤਾ ਦੇ ਸੁਫਨੇ ਟੁੱਟ ਜਾਂਦੇ ਹਨ। ਰੈਗਿੰਗ ਸਮਾਜ ਦੇ ਲਈ ਕਾਫੀ ਖਤਰਨਾਕ ਹੈ।

Up Next

95 ਸਾਲ ਦੀ ਔਰਤ `ਤੇ 10 ਹਜ਼ਾਰ ਤੋਂ ਵੱਧ ਲੋਕਾਂ ਦੀ ਹੱਤਿਆ ਵਿੱਚ ਮਦਦ ਕਰਨ ਦੇ ਦੋਸ਼

Don't Miss

26 ਜਨਵਰੀ ਨੂੰ ਪੁਲਸ ਉਤੇ ਹਮਲਾ ਕਰਨ ਵਾਲੇ ਜਣੇ ਤਿੰਨ ਗ੍ਰਿਫਤਾਰ

Click to comment

ਕਸ਼ਮੀਰੀ ਵੱਖਵਾਦੀ ਨੇਤਾ ਆਸੀਆ ਅੰਦਰਾਬੀ ਦੇ ਖਿਲਾਫ ਅੱਤਵਾਦ ਦੇ ਦੋਸ਼ ਤੈਅ

Published

11 hours ago

February 24, 2021

AP News Report

ਨਵੀਂ ਦਿੱਲੀ, 24 ਫਰਵਰੀ – ਦਿੱਲੀ ਦੀ ਇੱਕ ਕੋਰਟ ਨੇ ਕਸ਼ਮੀਰੀ ਵੱਖਵਾਦੀ ਨੇਤਾ ਆਸੀਆ ਅੰਦਰਾਬੀ ਤੇ ਉਸ ਦੀਆਂ ਦੋ ਸਹਿਯੋਗੀਆਂ ਦੇ ਖਿਲਾਫ ਭਾਰਤ ਸਰਕਾਰ ਦੇ ਖਿਲਾਫ ਜੰਗ ਛੇੜਨ ਤੇ ਦੇਸ਼ ਵਿੱਚ ਦਹਿਸ਼ਤੀ ਵਾਰਦਾਤ ਦੀ ਸਾਜ਼ਿਸ ਰਚਣ ਦੇ ਲਈ ਅੱਤਵਾਦ, ਦੇਸ਼ ਧਰੋਹ ਅਤੇ ਹੋਰ ਦੋਸ਼ ਤੈਅ ਕੀਤੇ ਹਨ।
ਇਹ ਮਾਮਲਾ ਅੱਤਵਾਦੀ ਸੰਗਠਨਾਂ ਅਤੇ ਪਾਕਿਸਤਾਨ ਦੀ ਮਦਦ ਨਾਲ ਦੇਸ਼ ਦੇ ਖਿਲਾਫ ਜੰਗ ਛੇੜਨ ਨਾਲ ਜੁੜਿਆ ਹੈ। ਵਿਸ਼ੇਸ਼ ਜੱਜ ਪ੍ਰਵੀਨ ਸਿੰਘ ਨੇ ਅੰਦਰਾਬੀ ਅਤੇ ਉਸ ਦੀਆਂ ਸਹਿਯੋਗਣਾਂ ਸੋਫੀ ਫਹਿਮੀਦਾ ਅਤੇ ਨਾਹਿਦਾ ਨਸਰੀਰ ਦੇ ਖਿਲਾਫ ਵੀਹ ਫਰਵਰੀ ਨੂੰ ਗੈਰ-ਕਾਨੂੰਨੀ ਸਰਗਰਮੀਆਂ ਰੋਕੂ ਕਾਨੂੰਨ (ਯੂ ਏ ਪੀ ਏ) ਤੇ ਭਾਰਤੀ ਦੰਡਾਵਲੀ ਦੀਆਂ ਵੱਖ-ਵੱਖ ਧਾਰਾਵਾਂ ਦਾ ਮੁਕੱਦਮਾ ਸ਼ੁਰੂ ਕਰਨ ਦਾ ਹੁਕਮ ਦਿੱਤਾ ਹੈ।ਇਸ ਤੋਂ ਪਹਿਲਾਂਕੋਰਟ ਵਿੱਚ ਦੋਸ਼ੀਆਂ ਨੇ ਬੇਕਸੂਰ ਹੋਣ ਦੀ ਦਲੀਲ ਦਿੱਤੀ ਅਤੇ ਕੇਸ ਦਾ ਸਾਹਮਣਾ ਕਰਨ ਦੀ ਗੱਲ ਕਹੀ। ਕੋਰਟ ਨੇ ਧਾਰਾ 120 ਬੀ (ਅਪਰਾਧਕ ਸਾਜ਼ਿਸ਼), 121 (ਭਾਰਤ ਸਰਕਾਰ ਦੇ ਖਿਲਾਫ ਜੰਗ ਛੇੜਨ), 121-ਏ (ਸਰਕਾਰ ਦੇ ਖਿਲਾਫ ਜੰਗ ਛੇੜਨ ਦੀ ਸਾਜ਼ਿਸ਼), 124-ਏ (ਰਾਜਧਰੋਹ), 153-ਏ (ਦੋ ਗਰੁੱਪਾਂ ਵਿੱਚ ਰੰਜਿਸ਼ ਪੈਦਾ ਕਰਨਾ), 153-ਬੀ (ਬਗਾਵਤ, ਕੌਮੀ ਅਖੰਡਤਾ ਦੇ ਖਿਲਾਫ ਬਿਆਨ) ਅਤੇ 505 (ਲੋਕਾਂ ਦੇ ਵਿੱਚ ਗੜਬੜੀ ਫੈਲਾਉਣ ਦੇ ਮਕਸਦ ਨਾਲ ਦਿੱਤਾ ਬਿਆਨ) ਦੇ ਤਹਿਤ ਦੋਸ਼ ਤੈਅ ਕੀਤੇ। ਇਸ ਦੇ ਇਲਾਵਾ ਗੈਰ-ਕਾਨੂੰਨੀ ਸਰਗਰਮੀ (ਰੋਕੂ) ਕਾਨੂੰਨ ਦੀ ਧਾਰਾ 18 (ਸਾਜ਼ਿਸ਼, ਅੱਤਵਾਦੀ ਸਰਗਰਮੀਆਂ ਨੂੰ ਉਤਸ਼ਾਹਤ ਕਰਨਾ), 20 (ਅੱਤਵਾਦੀ ਗਿਰੋਹ ਦਾ ਮੈਂਬਰ ਹੋਣਾ), 38 (ਅੱਤਵਾਦੀ ਸੰਗਠਨ ਦੀ ਮੈਂਬਰਸ਼ਿਪ ਸਬੰਧੀ ਅਪਰਾਧ) ਅਤੇ 39 (ਅੱਤਵਾਦੀ ਸੰਗਠਨ ਨੂੰ ਦਿੱਤੀ ਗਈ ਮਦਦ) ਦੇ ਤਹਿਤ ਵੀ ਦੋਸ਼ ਤੈਅ ਕੀਤੇ ਗਏ ਹਨ

ਮੁੰਬਈ ਪੁਲਸ ਨੂੰ ਗੈਂਗਸਟਰ ਰਵੀ ਪੁਜਾਰੀ ਦਾ ਰਿਮਾਂਡ ਨੌ ਮਾਰਚ ਤੱਕ ਮਿਲਿਆ

Published

11 hours ago

February 24, 2021

AP News Report

ਮੁੰਬਈ, 24 ਫਰਵਰੀ – ਮੁੰਬਈ ਪੁਲਸ ਨੇ ਗੈਂਗਸਟਰ ਰਵੀ ਪੁਜਾਰੀ ਨੂੰ ਬੈਂਗਲੁਰੂ ਤੋਂ ਇੱਥੇ ਲਿਆਉਣ ਤੋਂ ਬਾਅਦ ਵਿਸ਼ੇਸ਼ ਮਕੋਕਾ ਅਦਾਲਤ ਵਿੱਚ ਪੇਸ਼ ਕੀਤਾ। ਕੋਰਟ ਨੇ ਉਸ ਨੂੰ 2016 ਦੀ ਗੋਲੀਬਾਰੀ ਦੇ ਇੱਕ ਮਾਮਲੇ ਵਿੱਚ ਨੌ ਮਾਰਚ ਤੱਕ ਲਈ ਪੁਲਸ ਹਿਰਾਸਤ ਵਿੱਚ ਭੇਜ ਦਿੱਤਾ ਹੈ।
ਪੁਜਾਰੀ ਨੂੰ ਪਿਛਲੇ ਸਾਲ ਫ਼ਰਵਰੀ ਵਿੱਚ ਦੱਖਣੀ ਅਫ਼ਰੀਕਾ ਤੋਂ ਭਾਰਤ ਲਿਆਂਦਾ ਗਿਆ ਅਤੇ ਬੈਂਗਲੁਰੂ ਦੀ ਇੱਕ ਜੇਲ੍ਹ ਵਿੱਚ ਰੱਖਿਆ ਗਿਆ ਸੀ। ਉਹ ਕਈ ਸਾਲਾਂ ਤੋਂ ਫਰਾਰ ਸੀ। ਕਰਨਾਟਕ ਦੀ ਅਦਾਲਤ ਨੇ 21 ਅਕਤੂਬਰ 2016 ਨੂੰ ਮੁੰਬਈ ਦੇ ਵਿਲੇ ਪਾਰਲੇ ਇਲਾਕੇ ਵਿੱਚ ਗੈਂਗਸਟਰ ਪੁਜਾਰੀ ਨੂੰ ਮੁੰਬਈ ਪੁਲਸ ਨੂੰ ਸੌਂਪਣ ਦੀ ਇਜਾਜ਼ਤ ਦਿੱਤੀ ਸੀ, ਜਿਸ ਤੋਂ ਬਾਅਦ ਪੁਲਸ ਕੱਲ੍ਹ ਉਸ ਨੂੰ ਲਿਆਉਣ ਲਈ ਬੈਂਗਲੁਰੂ ਗਈ ਸੀ।
ਇੱਕ ਘਟਨਾ ਮਗਰੋਂ ਮਹਾਰਾਸ਼ਟਰ ਸੰਗਠਿਤ ਅਪਰਾਧ ਕੰਟਰੋਲ ਐਕਟ (ਮਕੋਕਾ) ਦਾ ਕੇਸ ਦਰਜ ਕੀਤਾ ਗਿਆ ਸੀ। ਇੱਕ ਪੁਲਸ ਅਧਿਕਾਰੀ ਨੇ ਦੱਸਿਆ ਕਿ ਪੁਜਾਰੀ ਨੂੰ ਕੱਲ੍ਹ ਸੜਕ ਦੇ ਰਸਤੇ ਬੈਂਗਲੁਰੂ ਤੋਂ ਮੁੰਬਈ ਲਿਆਂਦਾ ਗਿਆ। ਇਸ ਕੇਸ ਦੀ ਜਾਂਚ ਕਰ ਰਹੀ ਮੁੰਬਈ ਪੁਲਸ ਦੇ ਸੈਲ ਨੇ ਉਸ ਨੂੰ ਇੱਥੋਂ ਦੀ ਵਿਸ਼ੇਸ਼ ਮਕੋਕਾ ਅਦਾਲਤ ਵਿੱਚ ਪੇਸ਼ ਕੀਤਾ। ਮੁੱਖ ਜੱਜ ਡੀ ਈ ਕੋਥਾਲਿਕਰ ਨੇ ਪੁਜਾਰੀ ਨੂੰ ਨੌ ਮਾਰਚ ਤੱਕ ਪੁਲਸ ਹਿਰਾਸਤ ਵਿੱਚ ਭੇਜ ਦਿੱਤਾ। ਪੁਲਸ ਨੇ ਦੱਸਿਆ ਕਿ ਇਸ ਕੇਸ ਵਿੱਚ ਪੁਜਾਰੀ ਦੇ ਸੱਤ ਸਹਿਯੋਗੀ ਪਹਿਲਾਂ ਹੀ ਜੇਲ ਵਿੱਚ ਹਨ। ਉਨ੍ਹਾਂ ਦਸਿਆ ਕਿ ਕਰਨਾਟਕ ਦੇ ਉਡੁਪੀ ਨਾਲ ਤੁਆਲੁਕ ਰੱਖਣ ਵਾਲਾ ਪੁਜਾਰੀ ਵਿਦੇਸ਼ ਤੋਂ ਉਗਰਾਹੀ ਰੈਕੇਟ ਚਲਾਉਂਦਾ ਸੀ।

ਖੰਨੇ ਦੇ ਨੌਜਵਾਨ ਦਾ ਅਮਰੀਕਾ ਵਿੱਚ ਗੋਲੀ ਮਾਰ ਕੇ ਕਤਲ

Published

11 hours ago

February 24, 2021

AP News Report

ਖੰਨਾ, 24 ਫਰਵਰੀ – ਨੇੜਲੇ ਪਿੰਡ ਚਕੋਹੀ ਦੇ ਨੌਜਵਾਨ ਗੁਰਪ੍ਰੀਤ ਸਿੰਘ ਨੰੁ ਅਮਰੀਕਾ ਵਿੱਚ ਗੋਲੀ ਮਾਰ ਕੇ ਮਾਰ ਦਿੱਤਾ ਗਿਆ ਹੈ, ਜਿਸ ਬਾਰੇ ਬਾਕੀ ਖਬਰਾਂ ਦੀ ਉਡੀਕ ਹੈ।
ਪਿੰਡ ਚਕੋਹੀ ਦੇ ਸਰਪੰਚ ਗੁਰਦਰਸ਼ਨ ਸਿੰਘ ਨੇ ਦੱਸਿਆ ਕਿ 31 ਸਾਲਾ ਗੁਰਪ੍ਰੀਤ ਸਿੰਘ ਦੋ ਸਾਲ ਪਹਿਲਾਂ ਵਰਕ ਪਰਮਿਟ ਉੱਤੇ ਅਮਰੀਕਾ ਗਿਆ ਅਤੇ ਸੈਕਰਾਮੈਂਟੋ ਵਿੱਚ ਸੈਵਨ ਇਲੈਵਨ ਸਟੋਰ ਵਿੱਚ ਕੰਮ ਕਰਦਾ ਸੀ। ਕੱਲ੍ਹ ਸ਼ਾਮ ਪੰਜ ਵਜੇ (ਭਾਰਤੀ ਸਮੇਂ) ਸਟੋਰਵਿੱਚ ਆਏ ਇੱਕ ਗਾਹਕ ਨਾਲ ਉਸ ਦੀ ਕਿਸੇ ਗੱਲ ਤੋਂ ਬਹਿਸ ਹੋ ਗਈ ਤਾਂ ਗੱਲ ਇੰਨੀ ਵਧ ਗਈ ਕਿ ਉਸ ਨੌਜਵਾਨ ਨੇ ਗੁਰਪ੍ਰੀਤ ਨੂੰ ਗੋਲੀ ਮਾਰ ਦਿੱਤੀ। ਗੁਰਪ੍ਰੀਤ ਦੇ ਸਾਥੀ ਉਸ ਨੂੰ ਹਸਪਤਾਲ ਲੈ ਕੇ ਗਏ, ਜਿੱਥੇ ਉਸ ਦੀ ਮੌਤ ਹੋ ਗਈ। ਵਰਾਦਾਤ ਤੋਂ ਕੁਝ ਸਮਾਂ ਪਹਿਲਾਂ ਗੁਰਪ੍ਰੀਤ ਫੋਨ ਉੱਤੇ ਪਤਨੀ ਸੁਖਪ੍ਰੀਤ ਕੌਰ ਨਾਲ ਗੱਲ ਕਰ ਕਿਹਾ ਸੀ ਕਿ ਉਸ ਦੀ ਗਾਹਕ ਨਾਲ ਬਹਿਸ ਸ਼ੁਰੂ ਹੋ ਗਈ। ਇਸ ਉੱਤੇ ਗੁਰਪ੍ਰੀਤ ਨੇ ਆਪਣੀ ਪਤਨੀ ਨੂੰ ਕੁਝ ਸਮੇਂ ਬਾਅਦ ਫੋਨ ਕਰਨ ਦੀ ਗੱਲ ਕਹਿ ਕੇ ਫੋਨ ਕੱਟ ਦਿੱਤਾ।

ਇਕ ਸੋਚ

ਰੈਗਿੰਗ ਦੀਆਂ ਦੋਸ਼ੀ 4 ਵਿਦਿਆਰਥਣਾਂ ਨੂੰ ਜੇਲ੍ਹ

ਅਪਰਾਧ

ਰੈਗਿੰਗ ਦੀਆਂ ਦੋਸ਼ੀ 4 ਵਿਦਿਆਰਥਣਾਂ ਨੂੰ ਜੇਲ੍ਹ

Leave a Reply

ਅਪਰਾਧ

ਕਸ਼ਮੀਰੀ ਵੱਖਵਾਦੀ ਨੇਤਾ ਆਸੀਆ ਅੰਦਰਾਬੀ ਦੇ ਖਿਲਾਫ ਅੱਤਵਾਦ ਦੇ ਦੋਸ਼ ਤੈਅ

Read More Latest Crime News

ਅਪਰਾਧ

ਮੁੰਬਈ ਪੁਲਸ ਨੂੰ ਗੈਂਗਸਟਰ ਰਵੀ ਪੁਜਾਰੀ ਦਾ ਰਿਮਾਂਡ ਨੌ ਮਾਰਚ ਤੱਕ ਮਿਲਿਆ

Read More Latest Punjabi News Portal Online

ਅਪਰਾਧ

ਖੰਨੇ ਦੇ ਨੌਜਵਾਨ ਦਾ ਅਮਰੀਕਾ ਵਿੱਚ ਗੋਲੀ ਮਾਰ ਕੇ ਕਤਲ

Read More International Punjabi News

ਹਾਲੀਆ ਪੋਸਟਾਂ

ਰੁਝਾਨ

ਇਕ ਸੋਚ

ਰੈਗਿੰਗ ਦੀਆਂ ਦੋਸ਼ੀ 4 ਵਿਦਿਆਰਥਣਾਂ ਨੂੰ ਜੇਲ੍ਹ

You may like

Leave a Reply

ਅਪਰਾਧ

ਕਸ਼ਮੀਰੀ ਵੱਖਵਾਦੀ ਨੇਤਾ ਆਸੀਆ ਅੰਦਰਾਬੀ ਦੇ ਖਿਲਾਫ ਅੱਤਵਾਦ ਦੇ ਦੋਸ਼ ਤੈਅ

Read More Latest Crime News

ਅਪਰਾਧ

ਮੁੰਬਈ ਪੁਲਸ ਨੂੰ ਗੈਂਗਸਟਰ ਰਵੀ ਪੁਜਾਰੀ ਦਾ ਰਿਮਾਂਡ ਨੌ ਮਾਰਚ ਤੱਕ ਮਿਲਿਆ

Read More Latest Punjabi News Portal Online

ਅਪਰਾਧ

ਖੰਨੇ ਦੇ ਨੌਜਵਾਨ ਦਾ ਅਮਰੀਕਾ ਵਿੱਚ ਗੋਲੀ ਮਾਰ ਕੇ ਕਤਲ

Read More International Punjabi News

ਹਾਲੀਆ ਪੋਸਟਾਂ

ਰੁਝਾਨ