ਪਹਿਲੀ ਵਾਰ ਕੋਈ ਭਾਰਤੀ ਮਹਿਲਾ ਕ੍ਰਿਕਟਰ ਡੋਪ ਟੈਸਟ 'ਚ ਫੇਲ੍ਹ ਹੋਈ - ਇਕ ਸੋਚ
Connect with us [email protected]

ਖੇਡਾਂ

ਪਹਿਲੀ ਵਾਰ ਕੋਈ ਭਾਰਤੀ ਮਹਿਲਾ ਕ੍ਰਿਕਟਰ ਡੋਪ ਟੈਸਟ ‘ਚ ਫੇਲ੍ਹ ਹੋਈ

Published

on


ਨਵੀਂ ਦਿੱਲੀ, 14 ਅਗਸਤ – ਭਾਰਤੀ ਮਹਿਲਾ ਕ੍ਰਿਕਟ ਬਾਰੇ ਇੱਕ ਮੀਡੀਆ ਰਿਪੋਰਟ ‘ਚ ਕਿਹਾ ਗਿਆ ਹੈ ਕਿ ਮੱਧ ਪ੍ਰਦੇਸ਼ ਮਹਿਲਾ ਸੀਨੀਅਰ ਕ੍ਰਿਕਟ ਟੀਮ ਦੀ ਖ਼ਿਡਾਰਨ ਅੰਸ਼ੁਲਾ ਰਾਓ ਨਾਡਾ ਦੇ ਡੋਪ ਟੈਸਟ ‘ਚ ਫ਼ੈਲ੍ਹ ਹੋ ਗਈ ਹੈ। ਉਸ ਨੂੰ ਪਾਬੰਦੀਸ਼ੁਦਾ ਪਦਾਰਥ ਵਰਤਣ ਦਾ ਦੋਸ਼ੀ ਪਾਇਆ ਗਿਆ ਹੈ। ਉਸ ਨੇ ਇਸ ਦੀ ਵਰਤੋਂ ਆਪਣਾ ਪ੍ਰਦਰਸ਼ਨ ਸੁਧਾਰਨ ਲਈ ਕੀਤੀ ਸੀ। ਭਾਰਤ ‘ਚ ਪਹਿਲੀ ਵਾਰ ਕਿਸੇ ਮਹਿਲਾ ਕ੍ਰਿਕਟ ਦਾ ਇਹ ਕੇਸ ਸਾਹਮਣੇ ਆਇਆ ਹੈ। ਪਿਛਲੇ ਸਾਲ ਅਗਸਤ ‘ਚ ਬੀ ਸੀ ਆਈ ਨੇ ਨਾਡਾ ਨੂੰ ਕ੍ਰਿਕਟ ਖ਼ਿਡਾਰੀਆਂ ਦੇ ਜਾਂਚ ਦੀ ਇਜਾਜ਼ਤ ਦਿੱਤੀ ਸੀ। ਉਸ ਪਿੱਛੋਂ ਇਹ ਪਹਿਲੀ ਭਾਰਤੀ ਖ਼ਿਡਾਰਨ ਹੈ, ਜਿਸ ਦੀ ਰਿਪੋਰਟ ਪਾਜ਼ੀਟਿਵ ਪਾਈ ਗਈ ਹੈ।
ਅੰਸ਼ੁਲਾ ਦਾ ਕਹਿਣਾ ਹੈ ਕਿ 19-ਨੋਰੰਡ੍ਰੋਸਟੋਨੇ ਦਾ ਸੇਵਨ ਕਰਨ ਦੇ ਕਾਰਨ ਉਸਦੀ ਰਿਪੋਰਟ ਪਾਜ਼ੀਟਿਵ ਆਈ ਹੈ। ਰਿਪੋਰਟ ਮੁਤਾਬਿਕ ਇਸ ਸਾਲ ਮਾਰਚ ‘ਚ ਵਡੋਦਰਾ ‘ਚ ਉਸ ਦਾ ਟੈਸਟ ਕੀਤਾ ਗਿਆ ਸੀ। ਨਾਡਾ ਦਾ ‘ਐਂਟੀ ਡੋਪਿੰਗ ਡਿਸਸਿਪਲੀਨਰੀ ਪੈਨਲ’ ਉਸਦੀ ਸਜ਼ਾ ਬਾਰੇ ਫੈਸਲਾ ਕਰੇਗਾ। ਇਹ ਸਜ਼ਾ ਚਾਰ ਸਾਲ ਦੀ ਹੋ ਸਕਦੀ ਹੈ। ਅੰਸ਼ੁਲਾ ਇੱਕ ਸ਼ਾਨਦਾਰ ਹਰਫਨਮੌਲਾ ਖਿਡਾਰਨ ਮੰਨੀ ਜਾਂਦੀ ਹੈ। ਨਾਡਾ ਨੇ ਉਸ ਦੇ ਨਮੂਨੇ ਦੀ ਜਾਂਚ ਕਤਰ ਦੇ ਦੋਹਾ ਵਿਚਲੀ ਪ੍ਰਯੋਗਸ਼ਾਲਾ ‘ਚ ਕੀਤੀ ਸੀ। ਇਸ ‘ਚ ਪਾਬੰਦੀਸ਼ੁਦਾ ਦਵਾ ਲੈਣ ਦੀ ਗੱਲ ਸਾਹਮਣੇ ਆਈ ਸੀ।

ਖੇਡਾਂ

ਭਾਰਤ ਦਾ T-20 ਵਿਸ਼ਵ ਕੱਪ ਜਿੱਤਣ ਦਾ ਸੁਪਨਾ ਫਿਰ ਟੁੱਟਾ

Published

on

World Cup 2021

ਨਵੀਂ ਦਿੱਲੀ : ਟੀਮ ਇੰਡੀਆ ਦਾ T-20 ਵਿਸ਼ਵ ਕੱਪ 2021 ਜਿੱਤਣ ਦਾ ਸੁਪਨਾ ਚਕਨਾਚੂਰ ਹੋ ਗਿਆ ਹੈ। ਨਿਊਜ਼ੀਲੈਂਡ ਨੇ ਐਤਵਾਰ ਨੂੰ ਖੇਡੇ ਗਏ ਇਕ ਅਹਿਮ ਮੈਚ ‘ਚ ਅਫ਼ਗ਼ਾਨਿਸਤਾਨ ਨੂੰ ਹਰਾ ਦਿਤਾ ਹੈ, ਇਸ ਨਾਲ ਨਿਊਜ਼ੀਲੈਂਡ ਸੈਮੀਫ਼ਾਈਨਲ ‘ਚ ਪਹੁੰਚਣ ਵਾਲੀ ਚੌਥੀ ਟੀਮ ਬਣ ਗਈ ਹੈ। ਜੇਕਰ ਅਫ਼ਗ਼ਾਨਿਸਤਾਨ ਇਸ ਮੈਚ ‘ਚ ਜਿੱਤ ਜਾਂਦਾ ਤਾਂ ਟੀਮ ਇੰਡੀਆ ਲਈ ਮੌਕਾ ਹੋ ਸਕਦਾ ਸੀ।ਪਰ ਹੁਣ ਇਸ ਵਿਸ਼ਵ ਕੱਪ ਵਿਚ ਭਾਰਤੀ ਟੀਮ ਦਾ ਸਫ਼ਰ ਖ਼ਤਮ ਹੋ ਗਿਆ ਹੈ ਅਤੇ ਸੋਮਵਾਰ ਨੂੰ ਹੋਣ ਵਾਲਾ ਨਾਮੀਬੀਆ ਖ਼ਿਲਾਫ਼ ਮੈਚ ਹੁਣ ਸਿਰਫ਼ ਇੱਕ ਰਸਮ ਰਹਿ ਗਿਆ ਹੈ। ਟੀ-20 ਵਿਸ਼ਵ ਕੱਪ ਦੇ ਸੈਮੀਫ਼ਾਈਨਲ ‘ਚ ਹੁਣ ਆਸਟ੍ਰੇਲੀਆ-ਪਾਕਿਸਤਾਨ, ਨਿਊਜ਼ੀਲੈਂਡ-ਇੰਗਲੈਂਡ ਵਿਚਾਲੇ ਜੰਗ ਹੋਵੇਗੀ।
ਸਾਲ 2007 ‘ਚ ਜਦੋਂ ਟੀ-20 ਵਿਸ਼ਵ ਕੱਪ ਸ਼ੁਰੂ ਹੋਇਆ ਸੀ ਤਾਂ ਟੀਮ ਇੰਡੀਆ ਪਹਿਲੀ ਵਾਰ ਚੈਂਪੀਅਨ ਬਣੀ ਸੀ। ਇਸ ਤੋਂ ਥੋੜ੍ਹੀ ਦੇਰ ਬਾਅਦ ਜਦੋਂ IPL ਸ਼ੁਰੂ ਹੋਇਆ ਤਾਂ ਅਜਿਹਾ ਲੱਗ ਰਿਹਾ ਸੀ ਕਿ ਭਾਰਤੀ ਟੀਮ ਇਸ ਫਾਰਮੈਟ ‘ਤੇ ਹਾਵੀ ਹੋ ਜਾਵੇਗੀ। ਪਰ 2007 ਤੋਂ ਬਾਅਦ ਟੀਮ ਇੰਡੀਆ ਅਜੇ ਤੱਕ ਦੁਬਾਰਾ ਟੀ-20 ਵਿਸ਼ਵ ਕੱਪ ਨਹੀਂ ਜਿੱਤ ਸਕੀ ਹੈ ਅਤੇ ਇਸ ਵਾਰ ਵੀ ਇਹ ਮੌਕਾ ਖੁੰਝ ਗਿਆ ਹੈ।ਟੀਮ ਇੰਡੀਆ 2007 ਵਿਚ ਚੈਂਪੀਅਨ ਬਣੀ, 2014 ਵਿਚ ਉਪ ਜੇਤੂ ਅਤੇ 2016 ਵਿਚ ਸੈਮੀਫ਼ਾਈਨਲ ਵਿਚ ਪਹੁੰਚੀ। ਇਸ ਵਾਰ ਟੀਮ ਇੰਡੀਆ ਸੈਮੀਫ਼ਾਈਨਲ ‘ਚ ਵੀ ਨਹੀਂ ਪਹੁੰਚ ਸਕੀ ਹੈ। ਮਹਿੰਦਰ ਸਿੰਘ ਧੋਨੀ ਦੀ ਕਪਤਾਨੀ ਵਿਚ ਟੀਮ ਇੰਡੀਆ ਨੇ 2007 ਦਾ ਵਿਸ਼ਵ ਕੱਪ ਜਿੱਤਿਆ ਸੀ, ਐੱਮ.ਐੱਸ. ਧੋਨੀ 2021 ਦੇ ਟੀ-20 ਵਿਸ਼ਵ ਕੱਪ ਵਿਚ ਟੀਮ ਇੰਡੀਆ ਨਾਲ ਇੱਕ ਸਲਾਹਕਾਰ ਵਜੋਂ ਜੁੜੇ ਹੋਏ ਸਨ।
ਟੀ-20 ਫਾਰਮੈਟ ‘ਚ ਕਪਤਾਨ ਦੇ ਤੌਰ ‘ਤੇ ਵਿਰਾਟ ਕੋਹਲੀ ਦਾ ਇਹ ਆਖਰੀ ਟੂਰਨਾਮੈਂਟ ਸੀ। ਇਸ ਵਿਸ਼ਵ ਕੱਪ ਦੀ ਸ਼ੁਰੂਆਤ ਤੋਂ ਪਹਿਲਾਂ ਹੀ ਵਿਰਾਟ ਕੋਹਲੀ ਨੇ ਟੀ-20 ਫਾਰਮੈਟ ‘ਚ ਭਾਰਤੀ ਟੀਮ ਦੀ ਕਪਤਾਨੀ ਛੱਡਣ ਦਾ ਐਲਾਨ ਕਰ ਦਿੱਤਾ ਸੀ। ਹੁਣ ਜਦੋਂ ਇਹ ਤੈਅ ਹੋ ਗਿਆ ਹੈ ਕਿ ਭਾਰਤ ਸੈਮੀਫ਼ਾਈਨਲ ‘ਚ ਨਹੀਂ ਪਹੁੰਚ ਰਿਹਾ ਹੈ ਤਾਂ ਵਿਰਾਟ ਕੋਹਲੀ ਨਾਮੀਬੀਆ ਖ਼ਿਲਾਫ਼ ਟੀ-20 ਫਾਰਮੈਟ ‘ਚ ਆਖਰੀ ਵਾਰ ਭਾਰਤੀ ਟੀਮ ਦੀ ਕਪਤਾਨੀ ਕਰਦੇ ਨਜ਼ਰ ਆਉਣਗੇ।

Read More Latest Punjabi News

Continue Reading

ਖੇਡਾਂ

ਭਾਰਤ ਨੇ 8ਵੀਂ ਵਾਰ ਜਿੱਤੀ ਸੈਫ ਚੈਂਪੀਅਨਸ਼ਿਪ, ਛੇਤਰੀ ਨੇ ਕੀਤੀ ਮੇਸੀ ਦੇ 80 ਗੋਲਾਂ ਦੀ ਬਰਾਬਰੀ

Published

on

India win SAFE Championship

ਭਾਰਤੀ ਫੁੱਟਬਾਲ ਟੀਮ ਨੇ ਨੇਪਾਲ ਨੂੰ 3.0 ਨਾਲ ਹਰਾ ਕੇ 8ਵੀਂ ਵਾਰ ਸੈਫ ਚੈਂਪੀਅਨਸ਼ਿਪ ਖਿਤਾਬ ਜਿੱਤ ਲਿਆ ਜਦੋਂ ਕਿ ਕਪਤਾਨ ਸੁਨੀਲ ਛੇਤਰੀ ਨੇ 49ਵੇਂ ਮਿੰਟ ਵਿੱਚ ਗੋਲ ਕਰਕੇ ਲਿਯੋਨੇਲ ਮੇਸੀ ਦੇ 80 ਅੰਤਰਰਾਸ਼ਟਰੀ ਗੋਲਾਂ ਦੀ ਬਰਾਬਰੀ ਕਰ ਲਈ। ਭਾਰਤ ਲਈ ਦੂਜੇ ਹਾਫ ਵਿੱਚ ਛੇਤਰੀ, ਸੁਰੇਸ਼ ਸਿੰਘ ਅਤੇ ਸਹਿਲ ਅਬਦੁਲ ਸਮਾਦ ਨੇ ਗੋਲ ਕੀਤੇ। ਸੁਰੇਸ਼ ਨੇ 50ਵੇਂ ਅਤੇ ਸਮਾਦ ਨੇ 90ਵੇਂ ਮਿੰਟ ਵਿੱਚ ਗੋਲ ਕੀਤੇ।
ਪਹਿਲੇ ਹਾਫ ਵਿੱਚ ਭਾਰਤ ਨੇ ਗੇਂਦ ‘ਤੇ ਕਾਬੂ ਦੇ ਮਾਮਲੇ ਵਿੱਚ ਬਾਜੀ ਮਾਰੀ ਪਰ ਗੋਲ ਨਹੀਂ ਹੋ ਸਕਿਆ। ਛੇਤਰੀ ਨੇ ਦੂਜੇ ਹਾਫ ਦੇ ਕੁੱਝ ਮਿੰਟਾਂ ਦੇ ਅੰਦਰ ਹੀ ਗੋਲ ਕਰਕੇ ਭਾਰਤ ਨੂੰ ਬੜਤ ਦਿਵਾਈ। ਇਸਦੇ ਇੱਕ ਮਿੰਟ ਬਾਅਦ ਹੀ ਸੁਰੇਸ਼ ਨੇ ਭਾਰਤ ਦੀ ਬੜਤ ਦੁੱਗਣੀ ਕਰ ਦਿੱਤੀ। ਮੁੱਖ ਕੋਚ ਇਗੋਰ ਸਟਿਮਕ ਦੇ ਨਾਲ ਭਾਰਤ ਦਾ ਇਹ ਪਹਿਲਾ ਖਿਤਾਬ ਹੈ। ਉਹ ਜਿਰੀ ਪੇਸੇਕ (1993) ਅਤੇ ਸਟੀਫਨ ਕੋਂਸਟੇਂਟਾਇਨ (2015) ਤੋਂ ਬਾਅਦ ਤੀਸਰੇ ਵਿਦੇਸ਼ੀ ਕੋਚ ਹੋ ਗਏ ਜਿਨ੍ਹਾਂ ਦੇ ਮਾਰਗਦਰਸ਼ਨ ਵਿੱਚ ਭਾਰਤੀ ਟੀਮ ਨੇ ਇਹ ਖਿਤਾਬ ਜਿੱਤਿਆ।
ਛੇਤਰੀ ਨੇ ਸੱਜੇ ਫਲੈਂਕ ਰਾਹੀਂ ਪ੍ਰੀਤਮ ਕੋਟਾਲ ਤੋਂ ਮਿਲੀ ਗੇਂਦ ‘ਤੇ ਗੋਲ ਕਰਕੇ ਭਾਰਤ ਨੂੰ ਬੜਤ ਦਿਵਾਈ। ਇਸ ਤੋਂ ਇੱਕ ਮਿੰਟ ਬਾਅਦ ਭਾਰਤੀਆਂ ਨੇ ਫਿਰ ਹਮਲਾ ਬੋਲਕੇ ਨੇਪਾਲ ਦੇ ਡਿਫੈਂਸ ਨੂੰ ਤਬਾਹ ਕਰ ਦਿੱਤਾ। ਸੁਰੇਸ਼ ਨੇ ਇਹ ਗੋਲ ਦਾਗਿਆ। ਮਨਵੀਰ ਸਿੰਘ ਵੀ 52ਵੇਂ ਮਿੰਟ ਵਿੱਚ ਗੋਲ ਕਰਨ ਦੇ ਕਰੀਬ ਪੁਜੇ ਪਰ ਖੱਬੇ ਪੈਰ ਨਾਲ ਉਨ੍ਹਾਂ ਦਾ ਸ਼ਾਟ ਨੇਪਾਲੀ ਗੋਲਕੀਪਰ ਨੇ ਰੋਕ ਦਿੱਤਾ। ਭਾਰਤ ਲਈ ਤੀਜਾ ਗੋਲ 90ਵੇਂ ਮਿੰਟ ਵਿੱਚ ਸਮਾਦ ਨੇ ਕੀਤਾ।

Read More Latest Punjabi News

Continue Reading

ਖੇਡਾਂ

ਹੈਦਰਾਬਾਦ ਨੇ ਰੋਮਾਂਚਕ ਮੁਕਾਬਲੇ ‘ਚ ਬੈਂਗਲੁਰੂ ਨੂੰ ਚਾਰ ਦੌੜਾਂ ਨਾਲ ਹਰਾਇਆ

Published

on

Hyderabad beat Bangalore

ਨਵੀਂ ਦਿੱਲੀ :ਪਹਿਲਾਂ ਹੀ ਪਲੇਆਫ ਵਿਚ ਥਾਂ ਯਕੀਨੀ ਬਣਾ ਚੁੱਕੀ ਰਾਇਲ ਚੈਲੰਜਰਜ਼ ਬੈਂਗਲੁਰੂ (ਆਰਸੀਬੀ) ਤੇ ਪਲੇਆਫ ਦੀ ਦੌੜ ’ਚੋਂ ਬਾਹਰ ਹੋ ਚੁੱਕੀ ਸਨਰਾਈਜ਼ਰਜ਼ ਹੈਦਰਾਬਾਦ ਦੀਆਂ ਟੀਮਾਂ ਜਦ ਬੁੱਧਵਾਰ ਨੂੰ ਆਬੂਧਾਬੀ ’ਚ ਆਈਪੀਐੱਲ ਮੈਚ ਵਿਚ ਆਹਮੋ-ਸਾਹਮਣੇ ਹੋਈਆਂ ਤਾਂ ਉਹ ਜਾਣਦੀਆਂ ਸਨ ਕਿ ਦੋਵਾਂ ਲਈ ਇਸ ਮੈਚ ਦਾ ਨਤੀਜਾ ਬਹੁਤ ਜ਼ਿਆਦਾ ਮਾਅਨੇ ਨਹੀਂ ਰੱਖਦਾ। ਇਸ ਕਾਰਨ ਦੋਵਾਂ ਟੀਮਾਂ ਨੇ ਆਪਣੇ ਆਖ਼ਰੀ ਇਲੈਵਨ ਵਿਚ ਕੋਈ ਤਬਦੀਲੀ ਨਹੀਂ ਕੀਤੀ। ਹਾਲਾਂਕਿ ਹੈਦਰਾਬਾਦ ਨੂੰ ਅਭਿਸ਼ੇਕ ਸ਼ਰਮਾ ਦੇ ਰੂਪ ’ਚ ਸ਼ੁਰੂਆਤੀ ਝਟਕਾ ਲੱਗਣ ਤੋਂ ਬਾਅਦ ਉਹ ਸੰਭਲੀ ਤੇ ਉਸ ਨੇ ਤੈਅ 20 ਓਵਰਾਂ ’ਚ ਸੱਤ ਵਿਕਟਾਂ ’ਤੇ 141 ਦੌੜਾਂ ਦਾ ਸਕੋਰ ਖੜ੍ਹਾ ਕੀਤਾ।
ਸਨਰਾਈਜ਼ਰਜ਼ ਵੱਲੋਂ ਜੇਸਨ ਰਾਏ ਸਰਬੋਤਮ ਸਕੋਰਰ ਰਹੇ ਜਿਨ੍ਹਾਂ ਨੇ 38 ਗੇਂਦਾਂ ’ਤੇ ਪੰਜ ਚੌਕਿਆਂ ਦੀ ਮਦਦ ਨਾਲ 44 ਦੌੜਾਂ ਬਣਾਈਆਂ। ਬੈਂਗਲੁਰੂ ਵੱਲੋਂ ਹਰਸ਼ਲ ਨੇ ਤਿੰਨ ਤੇ ਕ੍ਰਿਸਟੀਅਨ ਨੇ ਦੋ ਖਿਡਾਰੀ ਆਊਟ ਕੀਤੇ। ਜਵਾਬ ’ਚ ਬੈਂਗਲੁਰੂ ਦੀ ਟੀਮ ਦੇਵਦੱਤ (41) ਤੇ ਮੈਕਸਵੈਲ (40) ਦੀਆਂ ਸ਼ਾਨਦਾਰ ਪਾਰੀਆਂ ਦੇ ਬਾਵਜੂਦ ਛੇ ਵਿਕਟਾਂ ’ਤੇ 137 ਦੌੜਾਂ ਹੀ ਬਣਾ ਸਕੀ ਤੇ ਚਾਰ ਦੌੜਾਂ ਨਾਲ ਮੈਚ ਹਾਰ ਗਈ।

Read More Latest Punjabi News

Continue Reading

ਰੁਝਾਨ


Copyright by IK Soch News powered by InstantWebsites.ca