ਕੋਰੋਨਾ ਦੌਰਾਨ ਗ੍ਰੋਸਰੀ ਦੀ ਮੰਗ ਵਧੀ, ਪਰਵਾਰਕ ਖ਼ਰਚ ਦੁੱਗਣਾ ਹੋਇਆ
Connect with us [email protected]

ਸਿਹਤ

ਕੋਰੋਨਾ ਦੌਰਾਨ ਗ੍ਰੋਸਰੀ ਦੀ ਮੰਗ ਵਧੀ, ਪਰਵਾਰਕ ਖ਼ਰਚ ਦੁੱਗਣਾ ਹੋਇਆ

Published

on

ਮੁੰਬਈ, 12 ਅਗਸਤ – ਇੱਕ ਰਿਸਰਚ ਮੁਤਾਬਕ ਅਪ੍ਰੈਲ-ਜੂਨ ਤਿਮਾਹੀ ‘ਚ ਪਰਵਾਰਾਂ ਦਾ ਗ੍ਰੋਸਰੀ ਅਤੇ ਪ੍ਰਸਨਲ ਕੇਅਰ ਦੇ ਪ੍ਰੋਡਕਟ ‘ਤੇ ਖ਼ਰਚਾ ਲੱਗਭਗ ਦੋ ਸਾਲ ਦੇ ਉਚ ਪੱਧਰ ‘ਤੇ ਪਹੁੰਚ ਗਿਆ ਹੈ। ਇਸ ਦਾ ਕਾਰਨ ਇਹ ਦੱਸਿਆ ਗਿਆ ਹੈ ਕਿ ਕੋਰੋਨਾ ਕਾਲ ‘ਚ ਲੋਕਾਂ ਨੇ ਬਹੁਤ ਸਾਰੇ ਪ੍ਰੋਡਕਟ ਖ਼ਰੀਦ ਕੇ ਉਨ੍ਹਾਂ ਦਾ ਸਟਾਕ ਬਣਾ ਲਿਆ। ਫਾਸਟ ਮੂਵਿੰਗ ਕੰਜਿਊਮਰ ਗੁਡਸ ਦਾ ਬਾਜ਼ਾਰ ਕਰੀਬ 4.3 ਫੀਸਦੀ ਵਧਿਆ ਹੈ।

ਇਹ ਅੰਕੜੇ ਕਨਤਾਰ ਵਰਲਡਪੈਨਲ ਮਾਰਕੀਟ ਰਿਸਰਚ ਫਰਮ ਨੇ ਦਿੱਤੇ ਹਨ, ਜਿਹੜੇ ਨੀਲਸਨ ਦੇ ਅੰਕੜਿਆਂ ਤੋਂ ਬਿਲਕੁਲ ਉਲਟ ਹਨ। ਨੀਲਸਨ ਨੇ ਕਿਹਾ ਸੀ ਕਿ ਬਾਜ਼ਾਰ 18 ਫੀਸਦੀ ਤੱਕ ਡਿਗਿਆ ਹੈ।

ਅਜਿਹਾ ਇਸ ਲਈ ਵੀ ਹੋ ਸਕਦਾ ਹੈ ਕਿ ਨੀਲਸਨ ਮੁੱਖ ਤੌਰ ‘ਤੇ ਪੈਕਡ ਪ੍ਰੋਡਕਟ ਦੀ ਰਿਟੇਲ ਸੇਲਸ ਨੂੰ ਕਵਰ ਕਰਦਾ ਹੈ ਜਦੋਂ ਕਿ ਕਨਤਾਰ ਬ੍ਰਾਂਡੇਡ ਅਤੇ ਲੋਕਲ ਹਰ ਤਰ੍ਹਾਂ ਦੇ ਪ੍ਰੋਡਕਟ ਦੀ ਖਪਤ ਬ੍ਰਾਂਡੇਡ ਤੇ ਲੋਕਲ ਹਰ ਤਰ੍ਹਾਂ ਦੇ ਪ੍ਰੋਡਕਟ ਦੀ ਖਪਤ ਦੇ ਆਧਾਰ ‘ਤੇ ਅੰਕੜੇ ਦਿੰਦਾ ਹੈ। ਸਮੁੱਚੇ ਤੌਰ ਉੱਤੇ ਦੇਖਿਆ ਜਾਵੇ ਤਾਂ ਜ਼ਿਆਦਾਤਰ ਕੰਪਨੀਆਂ ਨੇ ਜਾਂ ਗਿਰਾਵਟ ਦਰਜ ਕੀਤੀ ਹੈ ਜਾਂ ਤਿਮਾਹੀ ‘ਚ ਵਧੀਆ ਸੇਲ ਦਰਜ ਕੀਤੀ ਹੈ। ਐਫ ਐਮ ਸੀ ਜੀ ਕੰਪਨੀ ਮੈਰਿਕੋ ਦੇ ਮੈਨੇਜਿੰਗ ਡਾਇਰੈਕਟਰ ਸੌਗਤ ਗੁਪਤਾ ਦਾ ਕਹਿਣਾ ਹੈ ਕਿ ਲੋਕਾਂ ਦੇ ਘਰਾਂ ਵਿੱਚ ਰਹਿਣ ਕਾਰਨ ਫੂਡ ਅਤੇ ਨਾਨ-ਫੂਡ ਦੋਹਾਂ ਤਰ੍ਹਾਂ ਦੇ ਪ੍ਰੋਡਕਟ ਦੀ ਖਪਤ ਵਧੀ ਹੈ।

ਜੋ ਕੰਪਨੀਆਂ ਘਰਾਂ ਤੋਂ ਬਾਹਰ ਪ੍ਰੋਡਕਟ ਵੇਚਣ ‘ਤੇ ਘੱਟ ਨਿਰਭਰ ਰਹੀਆਂ, ਉਨ੍ਹਾਂ ਦੇ ਨਤੀਜੇ ਚੰਗੇ ਆਏ ਹਨ। ਮਿਸਾਲ ਵਜੋਂ ਬ੍ਰਿਟਾਨੀਆ ਕੰਪਨੀ ਗੁਡ ਡੇਅ ਅਤੇ ਟਾਈਗਰ ਬਿਸ਼ਕੁਟ ਬਣਾਉਂਦੀ ਹੈ।

ਇਸ ਦੀ ਸੇਲ 25 ਫੀਸਦੀ ਵਧੀ ਹੈ, ਪਰ ਉਥੇ ਹਿੰਦੁਸਤਾਨ ਯੂਨੀਲਿਵਰ ਦਾ ਕਹਿਣਾ ਹੈ ਕਿ ਜੈਮ ਅਤੇ ਕੈਚਅਪ ਦੀ ਮੰਗ ‘ਚ ਤੇਜ਼ੀ ਨਾਲ ਗਿਰਾਵਟ ਦੇਖੀ ਗਈ ਕਿਉਂਕਿ ਲੋਕ ਘਰਾਂ ‘ਚ ਰਹਿ ਰਹੇ ਹਨ। ਸਨਫੀਸਟ ਬਿਸਕੁਟ ਤੇ ਬਿੰਗੋ ਚਿਪਸ ਬਣਾਉਣ ਵਾਲੀ ਕੰਪਨੀ ਆਈ ਟੀ ਸੀ ਦਾ ਕਹਿਣਾ ਹੈ ਕਿ ਦਾਲਾਂ, ਨੂਡਲਸ ਅਤੇ ਡੇਅਰੀ ਦੇ ਸਾਮਾਨ ਦੀ ਜੂਨ ਤਿਮਾਹੀ ‘ਚ ਚੰਗੀ ਮੰਗ ਦੇਖੀ ਗਈ।

ਸਿਹਤ

ਹਰੀਆਂ ਸਬਜ਼ੀਆਂ ਖਾਣ ਨਾਲ ਯਾਦਾਸ਼ਤ ਤੇਜ਼ ਹੋ ਸਕਦੀ ਹੈ

Published

on

green vegetables

ਵਾਸ਼ਿੰਗਟਨ, 20 ਜੂਨ – ਚੰਗੀ ਸਿਹਤ ਅਤੇ ਬਿਮਾਰੀਆਂ ਤੋਂ ਬਚਾਅ ਵਿੱਚ ਹਰੀਆਂ ਸਬਜ਼ੀਆਂ ਤੇ ਫਲਾਂ ਦੀ ਅਹਿਮ ਭੂਮਿਕਾ ਹੁੰਦੀ ਹੈ। ਇਸ ਤਰ੍ਹਾਂ ਦੇ ਖਾਣ-ਪੀਣ ਨਾਲ ਨਾ ਸਿਰਫ ਯਾਦਾਸ਼ਤ ਸੁਧਰ ਸਕਦੀ ਹੈ, ਬਲਕਿ ਦਿਲ ਦੀ ਸਿਹਤ ਵੀ ਦਰੁਸਤ ਹੋਣ ਬਾਰੇ ਇੱਕ ਤਾਜ਼ਾ ਅਧਿਐਨ ਤੋਂ ਪਤਾ ਲੱਗਾ ਹੈ।
ਇੱਕ ਨਵੇਂ ਅਧਿਐਨ ਮੁਤਾਬਕ ਹਰੀਆਂ ਪੱਤੇਦਾਰ ਸਬਜ਼ੀਆਂ, ਫਲਾਂ ਤੇ ਸਾਬਤ ਅਨਾਜ ਵਰਤਣ ਨਾਲ ਵੱਧ ਫੈਟ ਵਾਲੀਆਂ ਖੁਰਾਕੀ ਵਸਤਾਂ ਅਤੇ ਮੀਟ ਆਦਿ ਦੀ ਵਰਤੋਂ ਵਿੱਚ ਕਮੀ ਕਰਨ ਨਾਲ ਹਾਰਟ ਫੇਲ੍ਹ ਦਾ ਖਤਰਾ ਘੱਟ ਹੋ ਸਕਦਾ ਹੈ। ਏਨਹੀ ਨਹੀਂ, ਯਾਦਾਸ਼ਤ ਕਮਜ਼ੋਰ ਹੋਣ ਅਤੇ ਡਿਮੈਂਸ਼ੀਆ ਦਾ ਖਤਰਾ ਵੀ ਘੱਟ ਹੋ ਸਕਦਾ ਹੈ।ਅਮਰੀਕਾ ਦੀ ਬੋਸਟਨ ਯੂਨੀਵਰਸਿਟੀ ਦੇ ਸਕੂਲ ਆਫ ਮੈਡੀਸਨ ਦੇ ਖੋਜਕਾਰਾਂ ਵੱਲੋਂ ਨਿਊਟ੍ਰੀਸ਼ਨ ਹਾਰਟ ਫੇਲੀਅਰ ਮੈਗਜ਼ੀਨ ਵਿੱਚ ਅਧਿਐਨ ਦੇ ਨਤੀਜੇ ਛਾਪੇ ਗਏ ਹਨ। ਇਸ ਮੁਤਾਬਕ ਅਮਰੀਕਾ ਵਿੱਚ 65 ਲੱਖ ਤੋਂ ਵੱਧ ਲੋਕਾਂ ਨੂੰ ਹਾਰਟ ਫੇਲ੍ਹ ਦੀ ਸਮੱਸਿਆ ਹੁੰਦੀ ਹੈ ਤੇ ਇਸ ਦਾ ਦੂਸਰੇ ਅੰਗਾਂ ਉੱਤੇ ਅਸਰ ਹੁੰਦਾ ਹੈ। ਹਾਰਟ ਫੇਲ੍ਹ ਦੇ ਖਤਰੇ ਤੋਂ ਬਚਾਅ ਲਈ ਪਲਾਂਟ ਬੇਸਡ ਫੂਡ ਦੀ ਵੱਧ ਵਰਤੋਂ ਦੀ ਸਲਾਹ ਦਿੱਤੀ ਜਾਂਦੀ ਹੈ। ਏਦਾਂ ਦੇ ਖਾਣੇ ਵਿੱਚ ਉਹ ਵਸਤਾਂ ਸ਼ਾਮਲ ਹੁੰਦੀਆਂ ਹਨ, ਜੋ ਸਿੱਧੀਆਂਦਰਖਤਾਂ-ਪੌਦਿਆਂ ਤੋਂ ਮਿਲਦੀਆਂ ਹਨ। ਹਰੀਆਂ ਪੱਤੇਦਾਰ ਸਬਜ਼ੀਆਂ ਅਤੇ ਬੇਰੀ ਦੀ ਵੱਧ ਵਰਤੋਂ ਕਰਨ ਨਾਲ ਵਧ ਫੈਟ ਵਾਲੀਆਂ ਚੀਜ਼ਾਂ ਅਤੇ ਮੀਟ ਆਦਿ ਦੀ ਵਰਤੋਂ ਵਿੱਚ ਕਮੀ ਲਿਆਉਣ ਨਾਲ ਦਿੱਲ ਦੀ ਸਿਹਤ ਉੱਤੇ ਹਾਂ ਪੱਖੀ ਅਸਰ ਪਾਇਆ ਗਿਆ ਹੈ। ਉਨ੍ਹਾਂ 2512 ਵਲੰਟੀਅਰਾਂ ਦੇ ਖਾਣ-ਪੀਣ ਦੇ ਵੇਰਵੇ ਦੇ ਵਿਸ਼ਲੇਸ਼ਣ ਦੇ ਆਧਾਰ ਉੱਤੇ ਇਹ ਸਿੱਟਾ ਕੱਢਿਆ ਹੈ।

Continue Reading

ਸਿਹਤ

ਬਿਨਾਂ ਮਾਸਕ ਲਾਏ ਗੱਲਬਾਤ ਕਰਨ ਨਾਲ ਕੋਰੋਨਾ ਫੈਲ ਸਕਦੈ

Published

on

mask

ਨਿਊ ਯਾਰਕ, 10 ਜੂਨ – ਇੱਕ ਖੋਜ ਅਨੁਸਾਰ ਸੀਮਿਤ ਥਾਵਾਂ ਉਤੇ ਬਿਨਾਂ ਮਾਸਕ ਦੇ ਬੋਲਣ ਨਾਲ ਐਸ ਏ ਆਰ ਐਸ ਕੋਵ 2 ਫੈਲਣ ਦਾ ਸਭ ਤੋਂ ਵੱਧ ਖਤਰਾ ਹੈ, ਜੋ ਵਾਇਰਸ ਕੋਵਿਡ-19 ਦਾ ਕਾਰਨ ਬਣਦਾ ਹੈ।
ਜਰਨਲ ਆਫ ਇੰਟਰਨਲ ਮੈਡੀਸਨ ਵਿੱਚ ਛਪੀ ਖੋਜ ਵਿੱਚ ਦੱਸਿਆ ਗਿਆ ਹੈ ਕਿ ਬੋਲਣ ਵੇਲੇ ਅਲੱਗ-ਅਲੱਗ ਆਕਾਰ ਦੀਆਂ ਸਾਹ ਦੀਆਂ ਬੂੰਦਾਂ ਨਿਕਲਦੀਆਂ ਹਨ, ਜੋ ਅਲੱਗ-ਅਲੱਗ ਮਾਤਰਾ ਮਾਤਰਾ ਵਿੱਚ ਵਾਇਰਸ ਅੰਦਰ ਲੈ ਜਾ ਸਕਦੀਆਂ ਹਨ। ਜ਼ਿਆਦਾਤਰ ਸਬੰਧਤ ਮੱਧਮ ਆਕਾਰ ਦੀਆਂ ਬੂੰਦਾਂ ਹਨ, ਜੋ ਕਾਫੀ ਮਿੰਟਾਂ ਦੇ ਲਈ ਹਵਾ ਵਿੱਚ ਰਹਿੰਦੀਆਂ ਹਨ ਅਤੇ ਸਾਹ ਰਾਹੀਂ ਵਾਇਰਸ ਅੰਦਰ ਲੈ ਜਾ ਸਕਦੀਆਂ ਹਨ। ਮੈਰੀਲੈਂਡ ਵਿੱਚ ਯੂ ਐਸ ਨੈਸ਼ਨਲ ਇੰਸਟੀਚਿਊਟ ਆਫ ਡਾਇਬਟੀਜ਼ ਐਂਡ ਡਾਇਜੈਸਟਿਵ ਐਂਡ ਕਿਡਨੀ ਡਿਜੀਜ ਦੇ ਐਡਰੀਆਨ ਬੈਕਸ ਨੇ ਕਿਹਾ, ਅਸੀਂ ਸਭ ਨੇ ਦੇਖਿਆ ਹੈ ਕਿ ਜਦ ਲੋਕ ਗੱਲ ਕਰਦੇ ਹਨ ਤਾਂ ਥੁੱਕ ਦੀਆਂ ਕੁਝ ਬੂੰਦਾਂ ਉਡਦੀਆਂ ਹਨ, ਪਰ ਹਜ਼ਾਰਾਂ ਅਤੇ ਛੋਟੀਆਂ ਅਜਿਹੀਆਂ ਹੁੰਦੀਆਂ ਹਨ, ਜਿਨ੍ਹਾਂ ਨੂੰ ਨੰਗੀ ਅੱਖ ਨਾਲ ਨਹੀਂ ਦੇਖਿਆ ਜਾ ਸਕਦਾ ਹੈ। ਬੈਕਸ ਨੇ ਕਿਹਾ, ਜਦ ਪਾਣੀ ਅਜਿਹੇ ਭਾਸ਼ਣ ਵਾਲੇ ਸੰਭਾਵੀ ਰੂਪ ਵਿੱਚ ਵਾਇਰਸ ਨਾਲ ਭਰਪੂਰ ਬੂੰਦਾਂ ਨਾਲ ਪ੍ਰਦੂਸ਼ਿਤ ਹੋ ਜਾਂਦਾ ਹੈ ਤਾਂ ਉਹ ਧੂੰਏਂ ਵਾਂਗ ਹਵਾ ਵਿੱਚ ਮਿੰਟਾਂ ਤਕ ਤੈਰਦੇ ਹਨ, ਜਿਸ ਨਾਲ ਦੂਸਰਿਆਂ ਨੂੰ ਖਤਰਾ ਹੁੰਦਾ ਹੈ। ਪਿਛਲੇ ਸਾਲ ਕੋਵਿਡ-19 ਮਹਾਮਾਰੀ ਦੀ ਸ਼ੁਰੂਆਤ ਮਗਰੋਂ ਖੋਜਕਾਰਾਂ ਨੇ ਤਰਕ ਦਿੱਤਾ ਕਿ ਕੋਵਿਡ-19 ਹਵਾਈ ਨਹੀਂ ਸੀ। ਯੂ ਐਸ ਸੈਂਟਰ ਫਾਰ ਡਿਜੀਜ ਕੰਟਰੋਲ ਐਂਡ ਪ੍ਰੀਵੈਂਸ਼ਨ (ਸੀ ਡੀ ਸੀ) ਨੇ ਮਈ ਵਿੱਚ ਐਲਾਨ ਕੀਤਾ ਸੀ ਕਿ ਸਾਹ ਤਰਲ ਪਦਾਰਥ ਦੇ ਸੰਪਰਕ ਵਿੱਚ ਬਹੁਤ ਮਹੀਨ ਸਾਹ ਦੀਆਂ ਬੂੰਦਾਂ ਅਤੇ ਏਅਰਸੋਲ ਕਣ ਹਵਾ ਵਿੱਚ ਮੌਜੂਦ ਹੁੰਦੇ ਹਨ ਅਤੇ ਜੋ ਵਾਇਰਸ ਲੈ ਜਾਂਦੇ ਹਨ।

Read More Punjabi Newspaper

Continue Reading

ਸਿਹਤ

ਕੋਰੋਨਾ ਫੇਫੜਿਆਂ ਉਤੇ ਗਹਿਰਾ ਅਸਰ ਪਾ ਸਕਦੈ

Published

on

Corona

ਬ੍ਰਿਟੇਨ, 28 ਮਈ – ਕੋਰੋਨਾ ਵਾਇਰਸ (ਕੋਵਿਡ-19) ਦਾ ਸਭ ਤੋਂ ਵੱਧ ਫੇਫੜਿਆਂ ਉਤੇ ਅਸਰ ਪੈਂਦਾ ਹੈ। ਇਸ ਦਾ ਨਵੀਂ ਖੋਜ ਤੋਂ ਪਤਾ ਲੱਗਾ ਹੈੈ। ਵਿਗਿਆਨੀਆਂ ਨੂੰਕੋਰੋਨਾ ਪੀੜਤਾਂ ਦੇ ਹਸਪਤਾਲ ਤੋਂ ਛੁੱਟੀ ਮਿਲਣ ਦੇ ਤਿੰਨ ਮਹੀਨੇ ਬਾਅਦ ਵੀ ਫੇਫੜਿਆਂ ਨੂੰ ਲਗਾਤਾਰ ਨੁਕਸਾਨ ਪਹੁੰਚਣ ਦੇ ਲੱਛਣਾਂ ਦਾ ਪਤਾ ਲੱਗਾ ਹੈ।
ਬ੍ਰਿਟੇਨ ਦੀ ਆਕਸਫੋਰਡ ਯੂਨੀਵਰਸਿਟੀ ਤੇ ਸ਼ੇਫੀਲਡ ਯੂਨੀਵਰਸਿਟੀ ਦੇ ਖੋਜਕਾਰਾਂ ਅਨੁਸਾਰ ਸੀਟੀ ਸਕੈਨ ਅਤੇ ਕਲੀਨੀਕਲ ਟੈਸਟ ਨਾਲ ਇਸ ਦੀ ਪਛਾਣ ਨਹੀਂ ਹੋਈ। ਹਾਈਪਰਪੋਲਾਈਰਾਈਜ਼ਡ ਜੇਨਾਨ ਐਮ ਆਰ ਆਈ ਸਕੈਨ ਦੇ ਨਾਲ ਕੋਰੋਨਾ ਰੋਗੀਆਂ ਦੇ ਫੇਫੜਿਆਂ ਵਿੱਚ ਅਸਮਾਨਤਾ ਪਾਈ ਗਈ। ਹਸਪਤਾਲ ਤੋਂ ਛੁੱਟੀ ਮਿਲਣ ਦੇ ਤਿੰਨ ਮਹੀਨੇ ਪਿੱਛੋਂ ਕਈ ਮਰੀਜ਼ਾਂ ਵਿੱਚ ਇਸ ਦੀ ਪਛਾਣ ਕੀਤੀ ਗਈ। ਕੁਝ ਮਰੀਜਾਂ ਨੂੰ ਨੌਂ ਮਹੀਨੇ ਬਾਅਦ ਫੇਫੜਿਆਂ ਨੂੰ ਨੁਕਸਾਨ ਹੋਇਆ ਹੈ। ਰੇਡੀਓਲਾਜੀ ਮੈਗਜ਼ੀਨ ਵਿੱਚ ਛਪੀ ਖੋਜ ਤੋਂ ਜ਼ਾਹਰ ਹੋਇਆ ਕਿ ਹਸਪਤਾਲ ਵਿੱਚ ਭਰਤੀ ਹੋਣ ਵਾਲੇ ਕੋਰੋਨਾ ਮਰੀਜ਼ਾਂ ਦੇ ਫੇਫੜਿਆਂ ਨੂੰ ਵੀ ਇਸੇ ਤਰ੍ਹਾਂ ਦਾ ਨੁਕਸਾਨ ਪਹੁੰਚ ਸਕਦਾ ਹੈ। ਅਜਿਹੇ ਪੀੜਤਾਂ ਨੂੰ ਲੰਬੇ ਸਮੇਂ ਤੱਕ ਸਾਹ ਫੁੱਲਣ ਦੀ ਸਮੱਸਿਆ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। ਖੋਜਕਾਰਾਂ ਨੇ ਇਹ ਕਿਹਾ ਕਿ ਇਸ ਦੀ ਪੁਸ਼ਟੀ ਲਈ ਵਿਆਪਕ ਖੋਜ ਦੀ ਜ਼ਰੂਰਤ ਹੈ। ਖੋਜ ਦੇ ਪ੍ਰਮੁੱਖ ਖੋਜਕਾਰ ਅਤੇ ਆਕਸਫੋਰਡ ਦੇ ਪ੍ਰੋਫੈਸਰ ਫਰਗਸ ਗਲੀਸਨ ਨੇ ਕਿਹਾ, ‘ਹਸਪਤਾਲ ਤੋਂ ਛੁੱਟੀ ਮਿਲਣ ਦੇ ਮਹੀਨਿਆਂ ਬਾਅਦ ਵੀ ਕਈ ਮਰੀਜ਼ਾਂ ਨੂੰ ਸਾਹ ਫੁੱਲਣ ਦੀ ਸਮੱਸਿਆ ਨਾਲ ਜੂਝਣਾ ਪੈ ਰਿਹਾ ਹੈ। ਅਜਿਹੇ ਲੋਕਾਂ ਦੇ ਸੀਟੀ ਸਕੈਨ ਵਿੱਚ ਫੇਫੜਿਆਂ ਨੂੰ ਠੀਕ ਪਾਇਆ ਗਿਆ ਸੀ। ਇਹ ਨਤੀਜੇ ਸ਼ੁਰੂਆਤੀ ਹਨ। ਸਾਨੂੰ ਇਸ ਦੇ ਲੰਬੇ ਸਮੇਂ ਦੇ ਪ੍ਰਭਾਵ ਨੂੰ ਸਮਝਣ ਦੇ ਲਈ ਵਿਆਪਕ ਖੋਜ ਦੀ ਜ਼ਰੂਰਤ ਹੈ।’

Continue Reading

ਰੁਝਾਨ


Copyright by IK Soch News powered by InstantWebsites.ca